A Wakak a Warwara o e Iesu Karisito i tumusi 1:35 - Label

³⁵ Ana lar, e Iesu i mata pa i purum. I han uting ana hanua bel pa i nunung tetek e God.

A Wakak a Warwara o e Iesu Karisito i tumusi 1:35 Referans Kwoze

Luk 6:12

Ning a pukakiar, e Iesu i han usaot na mangir sur ir nunung. A kidol a morom ning, i nunung tetek e God.

Epeses 6:18

Mulor nunung taum ana rakrakai ana Talngan Tabu ana pukakiarla rop, taum ana urmatana nunung rop. Mulor kes na sang, pa mulor sira nunung bolbolos ana taraila rop ane God.

Luk 5:16

Ika a galis a pukakiar e Iesu i sira han masik utumo na hanua bel sur ir nunung.

Hibru 5:7

Ning e Iesu i laun te na rakrakan hanua, i kukuk ana nuna nunungla ana luru matana tetek e God, esaning i tolsot sur ir alaun pasi kusun a minat. Pa e God i longori, anasa i anatarna pasi nahaina.

Jon 6:15

Ning e Iesu i tasmani mang la mang sur lar han teteki sur lar angongosi sur ir king, io, i han masik kusun la usaot ana ning a mangir.

Matiu 14:23

Ning ka sune rop sen la, i sot kama i han kas usaot na mangir sur ir nunung. Ning ka rah morom i kama kaning i kes.

Pilipai 2:5

I wakak ning a nuknukimulo ir arlar ana nuknuk e Karisito Iesu.

Jon 4:34

E Iesu i atai la mange, “Aka utna na hangan ine, ar mur a nemnem ane si ning i sune iau ute, pa ar tol arop anuna titol.

Matiu 14:13

Ning e Iesu i longori mang e Jon ka mat, i kas ana mon pa i han mitingia sur uting na hanua bel, sur i sot ka ir kes. Ning a tarai la longori, a kunum a tarai miting na hananuala la muri ting na ngas sur uting na pukna ning.

A Wakak a Warwara o e Iesu Karisito i tumusi 1:36

Pa e Saimon taum onla ning la han taum, la seren e Iesu.