A Wakak a Warwara o e Iesu Karisito i tumusi 1:22 - Label

²² La kulkulan ana nuna asasaer, anasa i asaer la, arlar o esaning a warkurai kaning tana. Bel i asaer la arlar ana anunla na tena asaer tagun a warkurai la sira toli.

A Wakak a Warwara o e Iesu Karisito i tumusi 1:22 Referans Kwoze

Matiu 13:54

pa i hanot ting na nuna hanua, tumo e Nasaret. I tur pasi sur ir asaer a tarai tingia ana nunla a rumai lotu, pa la kulkulan kol pa la atongi mang, “A barsan ne i kibas a tastasmaila ne taha ia? Pa mitaha otleng a rakrakai ning i tol a ututnala na kulkulan ne onoi?

Jon 7:46

A tena tai alarla tagun a rumai a artabar la keles la mange, “Bel tik i sira warwara lar a barsan ne!”

Luk 4:32

La kulkulan ana nuna asasaer, anasa i asaer la lar arlar o esaning a warkurai kaning tana.

2 Korin 4:2

Mila ka manah kusun a toltol laulaula ning a tarai la sira tol kumnani pa la sira meme ono. Bel mila titol ana asasongo, pa bel mila pak rongo a warwara ane God. Mila pak talapor a momol a warwara tetek a tarai, sur lar oroi lalani ot ting na nuknukinla mang mila atong a momolna namatana e God.

Aposel 6:10

La tol panai sur lar keles anuna warwara anasa a Talngan Tabu ot i saran a mananos tana.

Luk 21:15

Anasa iau ot, ar anuknuk tar a warwara pa tastasmai otleng ting na nuknukimulo, pa anumulo a hiruala rop bel lar keles sot pasi, pa bel lar puain seni.

A Wakak a Warwara o e Iesu Karisito i tumusi 1:23

Ning a barsan, a mot i solongi i kes ting na rumai lotu, ono otning i kukuk mange,

Luk 2:47

Pa la rop ning la longori, la kulkulan ana nuna tastasman, pa ana nuna arkeles tetek la.