Matiu 8:27 - Label

²⁷ Pa kakak a asaerla la kulkulan ono, pa la atongi mang, “Esi na ngas a barsan momol ne? A wuwu pa top dia longor tana!”

Matiu 8:27 Referans Kwoze

A Wakak a Warwara o e Iesu Karisito i tumusi 7:37

La ning la longor a utna ne, la kulkulan kol ono, pa la atongi larne, “E Iesu i tol wakak pas a ututnala rop. I awakak pas a talngana kutkutla sur lar longor, pa a ngatlaula sur lar warwara!”

A Wakak a Warwara o e Iesu Karisito i tumusi 6:51

Ning e Iesu ka kas tetek la uting na mon, a wuwu i rop kakat. Pa la kulkulan kol,

A Wakak a Warwara o e Iesu Karisito i tumusi 1:27

A tarai rop la kulkulan kol, pa la deke artalai la mang, “Asa ine? A tona asasaer. A barsan ne i tong a warkurai pa ana nuna warwara i kepsen sen a motla, pa la longor tana.”

Matiu 15:31

A kunum a tarai la oroi na ngat la warwara, pa na pio la langolango, pa la ning a hanla i mat la han tostos, pa a kutla otleng la tai. La kulkulan kol pa la rakan aleklek pas e God anuna tarai Israel.

Matiu 14:33

La ning la kes ting na mon la lotu tetek e Iesu, pa la atongi mang, “I momol ot, u a Nat e God.”

Matiu 8:10

Ning e Iesu i longor anuna warwara, i kulkulan kol onoi, pa i atongi tetek a tarai ning la muri mang, “A atong momoli tamulo, bel a oroi tar ta te Israel ning anuna tortorot i itna arlar ana barsan ning.

Matiu 8:26

Pa i atongi tanla mang, “Anumulo a tortorot i natarna kol. Sur asaning mulo matmataut?” I kamtur pa i sairas a wuwu pa top, pa i mililo rop.

Matiu 8:28

Ning e Iesu i sot tumo na ning a ris a tasi, ting na papar anuna tarai Gadara, naur a barsan ning a motla kaning on diau, dia han miting na kulam a minatla, pa dia han barati. Dia ngalngalia kol, pa bel tik i sira han bolos tingia na ngas ning.