Matiu 6:2 - Label

² Pa ur tabar a kapan a taraila, gong u warwara nigo sur a tarai lar oroi u. A tarai ning bel la artabar ana momol a balanla, la sira warwara nigo ana anunla a artabar ting na rumai lotula pa ting na ngasla otleng, sur a tarai lar atong aitna pas la ono. Gong mulo toli arlar onla. A atong momoli ta mulo, ning a tarai la aitna pas la, i ot ning anunla a kidol a arlou.

Matiu 6:2 Referans Kwoze

Matiu 6:5

“Ning mulor nunung, gong mulo arlar ana tena asasongola. La mang kol sur lar tur pa lar nunung ting na rumai lotu, pa ting na pukpuknala ning a tarai la hanan taum tingia, sur a tarai lar oroi la pa lar atong aitna pas la. A atong momoli ta mulo, ning a tarai la aitna pas la, i ot ning anunla a kidol a arlou.

Matiu 6:16

“Ning mulor tamai sur mulor nunung, gong mulo tai arlar ana tena asasongola, anasa la tai na bal maris sur a tarai lar oroi i mang la tamai. A atong momoli ta mulo, ning a tarai la aitna pas la, i ot ning anunla a kidol a arlou.

Jon 5:41

“Bel a mang sur a tarai lar atong aleklek iau.

Hibru 13:16

Gong mulo dumdumai sur mulor tol a wakak a titol pa mulor tabar a tarai. Ning mulo toli larning, i arlar ana artabar tetek e God ning i gas ono.

Luk 20:46

“Mulor tai alar mulo kusun a tena asaerla tagun a warkurai. La mang sur lar han ana wakak a kaenla kol, pa la mang sur a tarai lar saran a tnan hanrawai tetek la ana hananuala na tinan taum. Pa la mang sur a keskes salanigo na rumai lotula, pa keskes a leklek salanigo na ngasala.

Jon 7:18

Esining i warwara ka ana nuknukna, i mang ka sur dir aleklek pasi. Ika esining i mang sur dir aleklek pas e God ning i sune i ute, i atong a momolna, pa bel ta asasongo tingia.

1 Pita 4:11

Ning tik i kibas a artabar sur ir tena warawai, i wakak sur ir warawai arlar ot ana warwara ane God. Ning tik i kibas a artabar sur ir tena harnangai, i wakak sur ir harnangai taum ana rakrakai ning e God i saran tari tana, sur a tarai lar atong aleklek pas e God ana ututnala rop, anasa o e Iesu Karisito. Anunai ka a matatar pa a rakrakai, bel ir rop pa bel ir rop. Amen.

Epeses 4:28

Esining i kinkinau, gong ulak ma i kinkinau. I wakak ning ir tol a wakak a titol ana naur a kuna, sur ir tol otnan a utna ning i to pasi, pa ir tabar la otleng onoi ning la kapan.

Galesia 2:10

Pa ditol nunung miau sur miar nangan a kapan na tarai ting na nunla lotu, a titol ning iau otleng a mang sur ar toli.

Aposel 10:4

Pa e Konilius i ngoson rakrakai i ana matmataut, pa i dekeni mang, “Leklek, asaning?” Pa a angelo i kelesi mange, “Anum a nunungla taum ana artabarla tetek a kapan a tarai la han usaot tetek e God, pa la tur namatana, pa i gas ana sa ning u toli.

1 Timoti 6:18

Ur atai la sur lar tol a wakakna, pa lar bukus ana wakak a titol. Lar arartabar pa lar asalar al utna otleng tetek al tarai.

A Pas ane Pol tetek a tarai Rom 12:8

Ning tik, e God i saran tar a artabar teteki sur ir arakrakai a tortorot anuna tarai, i wakak sur ir toli larning. Ning tik, e God i saran tar a artabar na titol na artabar teteki, i wakak ning ir palas a kuna tetek a tarai. Ning tik, e God i saran tar a artabar na titol na ningnigo teteki, i wakak sur ir titol rakrakai sur ir nigon wakak a taraila. Ning tik, e God i saran tar a artabar na titol na marmaris teteki, i wakak ning ir maris a tarai ana gasgas.

Aposel 24:17

“A galis a rau bel a kes saot e Jerusalem, pa lamur a ulak usaot sur ar abaran a mani na artabar tetek a kapan a taraila, pa ar saran otleng a artabarla ning dir tun la sur a artabar tetek e God.

Aposel 10:31

pa i mang, ‘Konilius, e God ka longor anum na nunung, pa ka tasman anum na artabarla tetek a kapan a taraila.

Aposel 10:2

E Konilius pa la rop ning la kes ting na nuna rumai la na momol a tena lotula pa na tena hanrawai tetek e God. E Konilius ning a tena artabar tetek a kapan a tarai, pa a pukakiarla rop i nunung tetek e God.

Aposel 9:36

Ning a hane tagun a tarai a asasaer i kes tumo e Jopa, a risana e Tabita, ana warwara Grik mang e Dokas. A hane ne, ka tol tar a galis a wakak a titol, pa a tena artabar tetek a kapan na taraila.

Jon 13:29

E Judas i sira tai alar anunla mani. Pa dingla na kakak a asaer la nuki mang e Iesu i atai i sur ir lou al utna ning la kapan suri ana tnan lotu. Dingla otleng la nuki mang e Iesu i atai i sur ir tabar a kapan a taraila.

Jon 5:44

Mulo mang kol sur a tarai lar atong aleklek pas mulo, pa bel mulo rakrakai sur e God ir atong aleklek mulo, e God i ning takai sot ka. Ning i manglarning, bel mulo tortorot hok.

Luk 6:42

Ning a puka rakai kaning na matam, ur atong mangmangasa i tetek e tasimlik mang, ‘Tasiklik, ar kepsen a beren kusun a matam’? U a tena asasongo, ur kepsen nigon a puka rakai kusun a matam, pa ur tai wakak sur ur kepsen a beren kusun a matana e tasimlik.

A Wakak a Warwara o e Iesu Karisito i tumusi 12:39

Pa la mang sur a keskesla salanigo na rumai lotula, pa a keskesla salanigo ana ngasa.

Pilimon 1:7

Tasiklik, ning a longori mang u mang sur a tarai ane God pa u agasgas anunla a lalaun, a gas kol, pa i arakrakai iau otleng.

1 Tesalonika 2:6

Bel mitol mang sur mulo o tik masik otleng ir atong leklek pas mitol.

Aposel 11:29

Pa a tarai a asasaer la warkurai pas mang la rop taktakai lar artabar arlar ana nunla na gongonla tetek a tarai a lotula ning la kes ana papar Judia.

Luk 13:15

A Leklek i kelesi mang, “Mulo na tena asasongo! Mulo rop taktakai, mulo sira paksen anumulo na bulumakau o a dongki kusun anuna rumai, pa mulo ben purumi ana Pukakiar Sabat sur ir gang.

Luk 12:56

Mulo na tena asasongo! Mulo tastasman sur mulor pak a tatatai te na rakrakan hanua pa misaot na bakut. Mangmangasa ning bel mulo tastasman sur mulor pak a kamkama ututnala ning i hanot ana pukakiarla ne?

Luk 12:33

Mulor siuran sen anumulo na gongonla sur ta mani, pa mulor tabar a kapan a taraila onoi. Mulor sang pas al paus anumlo ning bel ir marot, a ngangaten a utna saot na langit ning bel ir rarop, pa bel ta tena kinkinau ir han milau i, pa a koropos bel ir alaulau i.

Luk 11:43

Ir laulau kol tetek mulo a Parisaiola, anasa mulo mang sur a keskes salanigo na rumai lotu, pa mulo mang sur a tarai lar saran a tnan hanrawai tetek mulo ting na pukna na han taum.

Luk 11:41

Ika, mulor tabar a kapan a tarai ana utna kaning na kap pa a pelet, sur a ututnala rop ir totoh tetek mulo.

Luk 6:24

Ika ir laulau tetek mulo ning anumulo na ututnala i galis, anasa mulo ka kibas pas anumulo a wakakna.

A Wakak a Warwara o e Iesu Karisito i tumusi 7:6

Pa e Iesu i keles la mange, “A warwara ane Aisaia i momol ot, ning i warwara na propet nigo tar o mulo a tena asasongola mang, ‘A tarai ne la hanrawai iau ka ana pahanla, ika a balanla i bakbak kol kusun iau.

Matiu 24:51

Pa a leklek ir ting kutkutusi, pa ir saran tar a warkurai a arkeles teteki, sur ir kes taum ana tena asasongola, ting na pukna ning di tangtangis pa di arngingit ngesendi ia.

Matiu 23:6

La mang sur a keskes a leklek sa lanigo na ngasala, pa a keskes otleng sa lanigo na rumai lotula.

Matiu 22:18

Ika, e Iesu i tasmani mang, a nuknukinla i laulau, pa i atai la mang, “Mulo na tena asasongo, sur asa ning mulo mang sur mulor toho iau?

Matiu 16:3

Pa ana kobot mulo sira atongi otleng mang, ‘Onone ir kiar, anasa a bakut ka kubar, pa ka bagubagu rop.’ Mulo tastasman sur mulor pak a tatatai misaot na bakut, ika bel mulo tastasmai sur mulor pak a kamkama akinalangla, ning ia ka tol tari ana pukakiarla ne.

Matiu 15:7

Mulo na tena asasongo. A warwara ane Aisaia i momol ot, ning i warwara na propet nigo tar o mulo mang,

Matiu 7:5

U a tena asasongo, ur kepsen nigon a puka rakai kusun a matam, pa ur tai wakak, sur ur kepsen a beren kusun a matana e tasimlik.

Matiu 5:18

A atong momoli ta mulo, bel ta natar a tumtumus lik o ta akinalang lik tagun a warkuraila ne ir rarop, tuk ning a bakut pa rakrakan hanua diar rarop. A warkuraila lar kes ot, tuk ning dir tolsot pasi.

Matiu 6:3

Ning ur tabar a kapan a taraila, gong a kair a kum i tasman asaning a sot a kum i toli,

Matiu 23:5

Anunla na titol rop, la toli ka, sur a tarai lar oroi la. Mulo sira akas tar a dingla na warwara na Buk Tabu ting na nanatar a boksla, pa mulo doti ting na patarimulola. Ika a Parisaiola, anunla na nanatar a boksla i palar kol. Pa mulo sira dot a kulola ting na sinir ana numulo a kaen a nunung. Ika a Parisaiola, anunla a kulola i barah kol.

1 Korin 13:3

Ning ar saran sen anuka ututnala rop tetek na kapan a tarai, par saran a palaok otleng sur dir tun iau, ika ning bel a lasan ana marmaris, bel ir nangan iau.