Matiu 5:44 - Label

⁴⁴ Ika iau, a atongi ta mulo mang, mulor mang sur anumulo na hirua, pa mulor nunung sur la ning la alaulau mulo.

Matiu 5:44 Referans Kwoze

A Pas ane Pol tetek a tarai Rom 12:14

Ning a tarai la alaulau mulo, mulor nunung sur e God ir atong angis la, pa gong mulo nunung sur e God ir alaulau la.

1 Pita 3:9

Gong mulo keles a laulauna uting na laulau, pa gong mulo keles a laulau a warwara uting na laulau a warwara. Ika mulor atong angis la ning la tol a laulauna tetek mulo, anasa e God i kabah pas mulo sur mulor toli larne, sur ir angis mulo.

Luk 23:34

E Iesu i atongi i mang, “Tata, kepsen sen anunla na toltol laulaula, anasa bel la tasman asa ne la toli.” Pa la pilai laki sur lar los pas taktakai kaen miting na nuna kaenla.

1 Pita 2:23

Ning di atong laulau i, bel i kelesi. Ning di akadiki, bel i balakut pa bel i atong tar ta warwara mang ir alaulau la. I noren tari ot na kuna e God, esaning anuna warkurai i tostos.

Aposel 7:60

Pa i kes ana bokona hana, pa i kukuk mang, “Leklek, gong u keles a toltol laulau ne la toli.” Ning i atong aropi larne, i mat.

Jon 13:34

A saran a tona warkurai tetek mulo mange, mulor mang artalai sur mulo. Mulor mang artalai sur mulo larning a mang sur mulo.

1 Tesalonika 5:15

Mulor tai alar mulo sur gong mulo keles a laulauna ana laulauna. Mulor rakrakai sur mulor tol a wakakna artalai tetek mulo, pa tetek a tarai masik otleng.

Aposel 16:28

Ika e Pol i arkabah rakrakai teteki mange, “Gong u alaulau u, mila rop kane.”