Matiu 28:2 - Label

² Pa a tnan mamais i hanot, anasa ning a angelo anuna Leklek i han purum misaot na langit sur a kulam a minat, pa i lakir sen a hat, pa i kes saot ono.

Matiu 28:2 Referans Kwoze

Aposel 16:26

Bel i bongnani, pa a tnan mamais i hanot kulkulan, pa i gulen a kaba pos ana rumai, a tamanla rop la sapang, pa a senla miting na kun a tarai a dodotla rop la tapapak kakat.

1 Timoti 3:16

Dala tasman momoli mang, a asasaer ning dala tortorot onoi i itna kol. I mange: E Karisito i hanot a barsan, a Talngan Tabu i apuasa i mang e Karisito i tostos na mata e God, a angelola la oroi, di atatai onoi pa a warwara ne i han sarara tetek a taraila miting na matanitu rop, pa a galis te na rakrakan hanua la tortorot onoi, i han kas pa i kes ana matatar.

Jon 20:1

Ana kobot ning ot ana ningnigo na pukakiar ana wik, kaning ot i mormorom, e Maria Magdalen i hanot ting na kulam a minat. I oroi mang di ka lakir sen a tnan hat kusun a taman a kulam a minat.

Tatatai 11:19

Lamur a rumai a artabar ane God saot na langit i sapang, pa ting na rumai a artabar anunai, di oroi anuna bok a kunubus. Pa a pil i pil, a unga, a bakut i pugur, a mamais, pa a tnan kiar a ais i hanot.

1 Pita 1:12

E God i apuasai tetek a propetla mang a ututnala ne, bel ir hanot tetek la. La warwara ka ana ututnala ning e God ir toli tetek mulo. Pa onone, mulo ka longor tari kusun a tarai ning la warawai ana Wakak a Warwara tetek mulo ana rakrakai a Talngan Tabu esaning di sunei misaot na langit. Pa a ututnala ne, na angelo otleng la mang kol sur lar oroi i.

Matiu 27:60

pa i aborbor tari ting na nuna tona kulam a minat, ning ka kel tari ting na ris a hat. I lakir alar tar a taman a kulam a minat ana tnan hat, pa i han kusuni.

Matiu 27:66

Pa la han, pa la arakrakai alar tar a kulam a minat. La suah a ngas a asilang sur lar tasmani ning tik ka sapang tari. Pa la atur tar na tena tai alar sur lar tai alari.

Aposel 5:19

Ika ana morom, ning a angelo anuna Leklek i sapang a tamanla ana rumai a dodot, pa i ben purum la pa i atongi mang,