Matiu 27:14 - Label

¹⁴ Bel i keles la ana ta artitiu ning la tiwi ono. Pa a ningnigo tagun a matanitu i kulkulan kol ono.

Matiu 27:14 Referans Kwoze

1 Korin 4:9

Anasa a nuki mang e God i suah tar mila na aposel, sur milar barsan oros ka. Mila arlar ana tarai ning di ka warkurai tar la sur lar mat namatana tarai. A tarai pa a angelola otleng la oroi mila.

Matiu 26:63

Ika e Iesu bel i warwara. A tena artabar ning, i atongi tana mang, “Ana risana e God, a lalaun na, ur atai mila ning u a Karisito a Nat e God, o bel.”

Matiu 27:12

Ning a leklek a tena artabarla tetek e God pa na ningnigo la tiwi, bel i keles la.

Matiu 27:13

Pa e Pailat i dekeni mang, “Bel u longor a warwara ne la tiu u ono?”

A Wakak a Warwara o e Iesu Karisito i tumusi 15:5

Ika e Iesu bel i kelesi ana ta warwara, pa e Pailat i kulkulan.

Luk 23:9

E Herot i deken e Iesu ana galis a kabah, ika e Iesu bel i kelesi.

Jon 19:9

I kas ulak utisaui, pa i deken e Iesu mange, “U mitaha?” Ika e Iesu bel i kelesi.