Matiu 25:5 - Label

⁵ A tona tinaulai bel i hanot kapit, pa a matanla i sulam, pa la borbor duman rop.

Matiu 25:5 Referans Kwoze

Luk 20:9

E Iesu i atong a warwara larlar ne tetek a tarai, “Ning a barsan i oman tar a barim a wain, pa lamur i saran tari tetek dingla na tarai a titol sur lar tai alari kaba, pa i han sur ning a hanua, pa i kes bongnan pasi ting ia.

Matiu 24:48

Ika ning a tena titol oros ning, i a laulau a tena titol oros, pa i nuki mang, anuna leklek bel ir hanot kapit,

Luk 12:45

“Ika ning a tena titol i nuki mang anuna leklek bel ir hanot kapit, pa i turpasi sur ir um a tena titol a barsanla pa a tena titol a gurarala, pa ir hangan, pa ir gang pa ir sipak.

Matiu 25:19

“Ning ka bongnani, a leklek anuna natol a tena titol oros, i hanot pa i kabah pas ditol sur ditol ir atai talapori ana nuna mani.

1 Pita 5:8

Mulor tumarang pa mulor warkurai tostos anumulo a lalaun, anasa anumulo a hirua, e Satan, i han taltal arlar ana laion, ning i kukukuk, pa i tai sur al tarai sur ir ien la.

Epeses 5:14

Anasa ning a talapor i atalapor a ututnala, dir oroi lalan la. I maining di atongi larne, “U ning a tena borbor, ur mata, ur kamtur kusun a minat, pa e Karisito ir atalapor u.”

A Pas ane Pol tetek a tarai Rom 13:11

Mulor toli larning, pa mulor oroi lalan a pukakiarla onone. A pukakiar ka hanot sur mulor mata. Anasa ning dala turpas a tortorot o e Karisito, a pukakiar ning e God ir alaun dala, belot i milau kol, ika onone ka milau.

Luk 18:8

A atongi ta mulo, ir atostos kapit la. Ika, ning a Nat a Barsan ir hanot, i mangmangasa ir pastek pas ot al tarai ning la tortorot ono te lapiu?”

Matiu 26:43

Ning i ulak, i oroi ditol, ditol ka borbor duman ulak, anasa a matanditol ka sulam kol.

Matiu 26:40

I ulak tetek natol a kaklik a asaer, pa i oroi ditol, ditol ka borbor duman. I deken e Pita mang, “I mangasa, bel mutol tolsot sur mutol ir koikoi taum hok on ta tuka kamis lik ka?

Tatatai 2:25

A utna rop ning mulo tol akesi mulor tur rakrakai ono tuk ning ar hanot.

Matiu 25:4

Ika, la ning la tastasmai la los anunla na lam pa la los otleng na koto na wel taum onla.

Matiu 25:6

“Ana tnan morom di arkabah mang, ‘Wo, a tona tinaulai ma! Mulo iap, mulor barati.’

Luk 1:21

A tarai la nanan e Sekaria, pa la nuknuk kol mang sur asa ning ka bongnani ting na rumai a artabar.