Matiu 23:9 - Label

⁹ Pa gong mulo atong tik mite lapiu a tamamulo, anasa takai a Tamamulo sot ka, ning i kes saot na langit.

Matiu 23:9 Referans Kwoze

1 Jon 3:1

Oroi! E Tamandala i asangan anuna tnan marmaris tetek dala, ning i atong dala mang dala na natnatnala. I momol ot, dala na natnat e God. A tarai mite na rakrakan hanua bel la tasmani mang dala na natnat e God, anasa bel la tasman e God.

Hibru 12:9

Na tamtamandala mite na rakrakan hanua la atostos dala, pa dala ka hanrawai tar la ana nunla na toltol ne tetek dala. Ning dala toli larne, i momol kol mang dalar longor otleng tetek a Tamana ingundala, ning i atostos dala, pa dalar laun.

Matiu 7:11

Mulo na laulau a tarai, ika mulo tasman ot a wakak a artabarla sur mulor tabar na natnatumulola ono. Ning mulo sira toli larne, i momol kol mang, e Tamamulo ning i kes saot na langit ir saran a wakak a ututnala tetek esining ir nunungi.

1 Korin 4:15

Ngandek ning anumulo ta bonot arip a tena tai alar, ning la tai alar anumulo na lalaun o e Karisito, ika bel al galis a tamtamamulo. O e Karisito Iesu, iau a tamamulo, anasa a saran a Wakak a Warwara tetek mulo.

2 Korin 6:18

A Leklek ning i rakrakai kol i atongi mang, “Ar hanot a Tamamulo, pa mulo na natnatukla, a taraila pa a gurarala.” 2 Sam 7:14

Aposel 22:1

“Na tastasikla, pa na tamtamangla mulor longor a warwara ning ar atalapor iau ono.”

Matiu 6:32

Anasa a taraila ning bel la tasman e God la rakrakai sur a ututnala rop ning, ika e Tamamulo ning i kes saot na langit i tasmani mang mulo kapan sur a ututnala rop ning.

Matiu 23:10

Pa gong di atong mulo otleng a ningnigola, anasa takai sot ka anumulo a ningnigo, a Karisito ka.