Matiu 22:22 - Label

²² Ning la longori, la kulkulan kol pa la han kusuni.

Matiu 22:22 Referans Kwoze

A Wakak a Warwara o e Iesu Karisito i tumusi 12:12

A ningnigola anuna tarai Juda la tai sur ta ngas sur lar tong akes pas e Iesu ono, anasa la tasmani mang i atong ka a warwara larlar ne onla. Ika la matatan a kunum a tarai. Pa la tur pas kusuni, pa la han.

Kolosi 4:6

Ning mulor warwara tetek a tarai, anumulo na warwara ir wakak, pa ir agasgas la, sur mulor saran a tostos a arkeles ana kabah anunla taktakai.

Aposel 6:10

La tol panai sur lar keles anuna warwara anasa a Talngan Tabu ot i saran a mananos tana.

Matiu 22:46

Pa bel tik i nuk pas ta warwara ulak sur ir kelesi ono. Turpasi ana pukakiar ning, bel tik ulak ma i han teteki ana ta kabah, anasa la matmataut.

Matiu 22:33

Ning a kunum a tarai la longori, la kulkulan kol ana nuna asaer.

Matiu 10:16

“Oroi, a sune sen mulo arlar ana sipsipla na arpotor tana ngalngaliah a papla. Mulor mananos wakak arlar ana soila, sur gong tik i ben rongon mulo, pa mulor tostos arlar ana tabunla, ning bel ta rongo kaning onla.

Luk 21:15

Anasa iau ot, ar anuknuk tar a warwara pa tastasmai otleng ting na nuknukimulo, pa anumulo a hiruala rop bel lar keles sot pasi, pa bel lar puain seni.

Matiu 8:10

Ning e Iesu i longor anuna warwara, i kulkulan kol onoi, pa i atongi tetek a tarai ning la muri mang, “A atong momoli tamulo, bel a oroi tar ta te Israel ning anuna tortorot i itna arlar ana barsan ning.