Matiu 21:34 - Label

³⁴ Ning ka milau a kalang sur dir git taum a wana wain, i sune sen anuna na tena titol oros tetek a tarai a titol, sur lar los pas anuna al wana wain.

Matiu 21:34 Referans Kwoze

Matiu 22:3

Pa i sune sen anuna na tena titol oros tetek la, ning di ka atai nigon tar la, sur lar ben pas la sur a ngasa. Ika la ngongoio rop ka.

Matiu 21:35

A tarai a titol ning, la tong akes pas anuna na tena titol oros. La um ning na halinla, takai la umkoli pa takai otleng la wolot koli ana hatatla.

Matiu 21:38

Ika, ning a tarai a titol la oroi pas e natnalik la warwara artalai tanla mang, ‘Esaning ir keles e tamana, i ma ine ot. Mulo lamut, dalar umkoli, sur anundalai ma a barim a wain.’

Matiu 21:40

“Ning a tamana barim a wain ir hanot, asaning ir toli tetek a tarai a titol?”

Matiu 21:41

La kelesi mang, “Ir umkol arop sen a laulau a tarai ning, pa ir saran tar anuna barim a wain tetek al tarai a titol masik, sur lar tai alari. A tarai a titol ning, lar bot saran tar anunal wana wain ana kalang a sol.”

A Wakak a Warwara o e Iesu Karisito i tumusi 12:1

E Iesu i asaer la ana ning a warwara larlar, mange, “Ning a barsan i oman tar a barim a wain, pa i tol alar tari. Tingui ana barim a wain ning, i kel tar a tung sur dir pas mirmiren tar a wana wain onoi, sur a polona ir hanot. Pa i tol a natar a rumai ning i tur usaot sur a tena tai alar. Lamur i saran tar kabah a barim a wain tana dingla na tarai a titol sur lar tai alari, pa i han ana ning a tinan.

A Wakak a Warwara o e Iesu Karisito i tumusi 12:7

Ika a tarai a titol la warwara taum pas mange, ‘I ma ning ir keles e tamana, imaine i han ute. Mulo lamut, dalar um amati, sur anundalai ma a barim a wain.’

A Wakak a Warwara o e Iesu Karisito i tumusi 12:9

“Asa ning a taman na barim ir toli? Ir hanot pa ir um amat sen a tarai a titol, pa ir saran tar kabah a barim tetek dingla masik.

Luk 20:9

E Iesu i atong a warwara larlar ne tetek a tarai, “Ning a barsan i oman tar a barim a wain, pa lamur i saran tari tetek dingla na tarai a titol sur lar tai alari kaba, pa i han sur ning a hanua, pa i kes bongnan pasi ting ia.