Matiu 18:12 - Label

¹² “Asa a nuknukimulo? Ning ta barsan anuna ta mar a sipsip, pa ta halinla i rongo. I mangasa, bel ir han pas kusun a siuk a bonot pa siuk tingia na mangirla, pa ir tai sur takai ning i rongo?

Matiu 18:12 Referans Kwoze

1 Pita 2:25

Anasa nating mulo han rongo arlar ana sipsipla, ika onone mulo ka han ulak tetek anumulo Tena tai alar anuna sipsipla, pa Tena tai alar ana ingumulo.

Matiu 12:11

Pa i keles la mang, “Ning ta halimulo anuna ta sipsip ir punga tar uting na ta tung ana Pukakiar Sabat, mangmangasa, bel ir tong akesi pa ir dat kas ulaki?

Matiu 21:28

E Iesu i atai la mang, “Asa mulo nuki? Ning a barsan naur a natnalik, naur a kaklik barsan. I han tetek a ningnigona, pa i atai i mang, ‘Natuklik, anone ur han uting na barim a wain pa ur titol.’

1 Korin 10:15

A warwara tetek mulo ning mulo ka tastasman. Pa mulo ot mulor warkurai wakak anuka warwara ne.

Matiu 22:42

“Asa ning mulo nuki ana Karisito? I a nat esi?” La kelesi mang, “A nat e Dewit.”

Matiu 18:13

A atong momoli ta mulo, ning kar pastek pasi, a gasgas anunai ono, ir itna bolos a gasgas anunai ana siuk a bonot pa siuk ning bel la rongo.