Matiu 17:2 - Label

² Tisaotia, ditol oroi a palaona e Iesu i ries. A patarna i sasai arlar ana kamis, pa anuna kaenla otleng i kokok kol arlar ana talapor.

Matiu 17:2 Referans Kwoze

Matiu 28:3

A patarna i talapor arlar ana pil, pa anuna kaen i kokok arlar ana busa na top.

Luk 9:29

Ning kaning i nunung, a patarna i ries, pa anuna kaenla i kokok pa i pil.

Tatatai 10:1

Lamur a oroi pas ning a rakrakai a angelo maleng i han purum amon misaot na langit. I mermer ana bakut, pa a pakasir i kes lao tar saot na pukulna. A patarna i arlar ana kamis, pa naur a hana i tatatai arlar ana naur a pos i sot.

Tatatai 20:11

Lamur a oroi pas a tnan keskes na king i kokok, pa esaning i kes onoi. A rakrakan hanua pa bakut dia rorom miting namatana, bel ta pukna ulak ma anundiau.

Jon 1:14

A Warwara i hanot a barsan momol, pa i kes na arpotor ta mila. Mila ka oroi tar anuna matatar, a matatar ane Natnalik takai sot ka, ning i han kusun e Tamana, i bukus ana marmaris pa a momolna.

A Wakak a Warwara o e Iesu Karisito i tumusi 9:3

Anuna kaenla i pil pa i kokok rakrakai kol, pa bel tik mite lapiu ir gos totoh pas ta kaen manglarning.

A Pas ane Pol tetek a tarai Rom 12:2

Pa gong ma mulo oroi asasaer ana lalaun mite na rakrakan hanua. Mulor saran tar mulo tetek e God sur ir lingir a nuknukimulo, pa ir atonai, sur mulor tasman lalan a ngas a toltol ning e God i mang suri. A toltolla ning i wakak, i tostos kol, pa e God i gas onoi.

Jon 17:24

“Tata, la ning u ka saran tar la tak, a mang sur lar kes taum hok ting na hanua ning ar kes ia, sur lar oroi anuka matatar, ning u saran tari tak, anasa u mang sur iau nating ot ning belot di akes a rakrakan hanua.

Matiu 17:1

Lamur tana diono na pukakiar, e Iesu i ben pas e Pita, Jems pa e Jon, a tas e Jems, pa i ben maskan pas ditol usaot na mangir ning i tur kas.

Matiu 17:3

Ono otning, e Moses pa e Elaija dia hanot na matanditol pa ditol warwara taum o e Iesu.