Matiu 16:6 - Label

⁶ E Iesu i atai la mang, “Mulor tumarang ana is anuna Parisaiola pa a Sadusila.”

Matiu 16:6 Referans Kwoze

Luk 12:1

Ning a riprip a tarai la ka hanot taum, pa la sugut artalai la, e Iesu i atai nigon anuna kakak a asaerla mang, “Mulor tai alar mulo kusun a is anuna Parisaiola. A warwara ana nunla na toltol a asasongo.

Galesia 5:9

I arlar ana warwara larlar ne: “Al siklik is ka i tolsot pasi sur ir abubus pas a palawa rop.”

A Wakak a Warwara o e Iesu Karisito i tumusi 8:15

Pa e Iesu i warwara na tumarang tetek la mang, “Mulor tumarang ana is anuna Parisaiola pa e Herot.”

Matiu 16:12

Pa la tasmani bot mang bel i sairas la kusun a is ning i kes ana bret, ika i atongi larne, sur lar tumarang la ana asaer anuna Parisaiola pa a Sadusila.

Luk 12:15

Pa i atai la, “Mulor nuk pasi, pa mulor tai alar mulo kusun a nuknuk ana galis a gongon, anasa a lalaun anuna tik bel i kamkamna ana nuna galis a gongon.”

Matiu 3:7

E Jon i oroi a galis a Parisaiola pa a Sadusila la han sur ir baptais la, pa i atongi tanla mang, “Ai, mulo na natnat a soila! Bel mulor tolsot pasi sur mulor liu kumna kusun a warkurai na arkeles ane God, ning ir hanot.

Matiu 16:1

A Parisaiola pa a Sadusila la han tetek e Iesu pa la tohi. La nunungi sur ir tol ta akinalang namatanla, sur ir asangani mang i misaot na langit.

Matiu 16:5

E Iesu taum ana anuna kakak a asaerla la han lakai a puka tasi, pa kakak a asaerla la dumani sur lar los al bret.

Matiu 16:7

Pa la warwara artalai tetek la ana kamkama warwara ane Iesu, pa la atongi mang, “I atongi larne anasa bel dala los al bret.”

Matiu 16:11

I mangasa ning bel mulo tastasmai? Bel a warwara ana bret. Mulor tumarang mulo ana is anuna Parisaiola pa a Sadusila.”

Jon 4:33

A kakak a asaer la deken artalai la mange, “Ngandek tik ka tabar tari anal utna na hangan?”