Matiu 14:14 - Label

¹⁴ Ning i sot, i oroi a tnan kunum a tarai. I maris kol la, pa i alangolango pas a tinsamanla.

Matiu 14:14 Referans Kwoze

Hibru 4:15

I tasmani mang bel ta rakrakaindala sur dalar tolsot pas a toltol laulaula, pa i maris dala. Anasa di ka lar nigon tar e Iesu ana urmatana ngas a larlar rop ning di sira lar dala ono, ika bel i tol ta toltol laulau.

Matiu 9:36

Ning i oroi a kunum a tarai, i maris kol la, anasa i talara a nuknukinla, pa bel ta harnanai tetek la, arlar ana sipsipla ning bel ta tena tai alar anunlai.

Hibru 2:17

Ine a kamkamna ning e Iesu i hanot arlar ot ana tastasnala ana ututnala rop, sur ir ningnigo na tena artabar tetek e God pa ir titol ana marmaris pa momolna, pa ir saran anuna lalaun sur ir mat, pa e God ir kepsen a toltol laulaula anuna tarai, pa ir arop sen anuna balakut, ning nating kaning onla.

Hibru 5:2

A ningnigo na tena artabarla tetek e God i tolsot pasi sur ir titol ana marmaris tetek a tarai ning bel la tastasmai pa la han rongo, anasa i otleng bel ta rakrakaina sur ir tolsot pas na toltol laulau.

Luk 19:41

Ning e Iesu i milau e Jerusalem pa i oroi i, i tangis ono, pa i atongi,

Luk 7:13

Ning a Leklek i oroi a hane ning, i marisi pa i atai i mang, “Gong u domos.”

A Wakak a Warwara o e Iesu Karisito i tumusi 9:22

Galis a pukakiar a mot i sira minggen tari uting na iah pa uting na malum otleng sur ir umkoli. Ning ur tolsot sur ur kepsen a mot kusuni, ur maris miau, pa ur nangan miau.”

A Wakak a Warwara o e Iesu Karisito i tumusi 6:34

Ning e Iesu i sot tingia, i oroi a tnan kunum a tarai. I maris kol la, anasa la arlar ana sipsipla ning bel ta tena tai alar anunlai. Pa i turpasi sur ir asaer la ana galis a ututnala.

Matiu 4:23

E Iesu i han taltal ting na papar Galili rop, pa i asaer a tarai ting na nunla na rumai a lotula. I warawai ana Wakak a Warwara ana matanitu misaot na langit. Pa i alangolango pas a taraila kusun a urmatana ngas a tinsamanla rop.

Matiu 14:15

Ning ka rah, anuna kakak a asaerla la han teteki, pa la atai i mang, “A pukna ne i bakbak kusun a hananuala, pa ka rah otleng. Ur sune sen a kunum a tarai sur lar han uting na hananuala, sur lar lou pas anla al utna na hangan.”