Matiu 11:21 - Label

²¹ I atongi mang, “Ir laulau tetek mulo a tarai Korasin, pa ir laulau otleng tetek mulo a tarai Betsaida. Ngandek ning di kar tol tar a ututnala na kulkulan ne tetek a tarai Tair pa tarai Saidon, arlar larning di ka tol tari tetek mulo, la kar lingir kapit a nuknukinla pa lar tobo, lar mermer ana kaenla na bal maris pa lar sabar a palaonla ana kubus a iah. Ika mulo, bel mulo lingir a nuknukim mulo.

Matiu 11:21 Referans Kwoze

Aposel 12:20

E Herot i balakut tetek a tarai ana naur a hanua Tair pa e Saidon. Pa tarai miting na naur a hanua ning, la han taum sur lar oroi i. Pa lar nunungi sur a bal molmol, anasa anunla naur a hanua la laun ka ana utna na hangan miting na papar anuna king Herot. La bal taum nigo taum o e Blastus, a tnan tena tai alar anuna king, pa i nangan la sur lar oroi a king.

Jon 12:21

Pa la han tetek e Pilip, a te Betsaida. E Betsaida a hanua ting na papar Galili. Pa la atai i mange, “Lak, mila mang sur milar oroi e Iesu.”

Luk 9:10

Ning a aposella la ulak, la atai e Iesu ana ututnala ning la ka tol tari. I ben pas la, pa la han masik uting na hanua a risana e Betsaida.

A Wakak a Warwara o e Iesu Karisito i tumusi 6:45

Aiapiap ka e Iesu i sune sen anuna kakak a asaerla sur lar kas ana mon pa lar nigo utumo e Betsaida tumo na ris a puka tasi. Pa i, i kes ot sur ir sune sen a tarai.

Matiu 15:21

E Iesu i han mitingia, pa i hanot milau a hanua Tair pa e Saidon.

A Pas ane Jut 1:11

Ir laulau kol tetek la ning! La mur a toltol ane Kain. Pa la arlar o e Balam, ning i tol ka a laulau a titol sur ir kibas mani onoi. Pa lar hirua arlar o e Kora, esaning i nigon pas a tarai ning la gilam ris kusun e God, pa la hirua rop.

Jon 1:44

E Pilip i mitimo e Betsaida, a hanua ane Endru pa e Pita.

Luk 6:17

E Iesu pa anuna tarai a asasaer la han purum misaot na mangir, pa i tur ting na puka tostosna, taum ana nuna kunum a tarai a asasaer. A galis a tarai misaot na papar Judia pa e Jerusalem pa tagun a hananuala tumo latasi milau e Tair pa e Saidon otleng,

A Wakak a Warwara o e Iesu Karisito i tumusi 8:22

E Iesu taum ana kakak a asaerla anunai la hanot tisa e Betsaida, pa a tarai la ben pas ning a matanakut teteki, pa la nunungi sur ir suah a kuna saot ono sur ir tai.

A Wakak a Warwara o e Iesu Karisito i tumusi 7:31

E Iesu i han kusun a hanua Tair pa i han potor e Saidon sur a puka tasi Galili, pa i hanot ting na papar Dekapolis.

A Wakak a Warwara o e Iesu Karisito i tumusi 3:8

Pa a galis a tarai otleng la muri misaot na papar Judia pa e Jerusalem, pa miting na papar Idumea, pa mitimo na ning a ris a malum Jodan pa mitimo e Tair pa e Saidon otleng. A tnan kunum la hanot, anasa la ka longor tar a tatatnan utna ning e Iesu ka tol tari.

Matiu 18:7

“Ir laulau tetek a tarai mite na rakrakan hanua, anasa a ututnala ning i dat a tarai sur lar punga ana laulau. A ututnala ning ir hanot ot, ika ir laulau kol tetek esining i tol otnan pasi.

Matiu 11:22

A atongi ta mulo mang, ana pukakiar a warkurai, a warkurai tetek mulo a tarai Korasin pa tarai Betsaida, ir rakrakai kol tana warkurai tetek a tarai Tair pa tarai Saidon.

Aposel 27:3

Ana pukakiar lamur mila sot te e Saidon. E Julius i maris e Pol, i malmaling seni sur ir han pas tetek na halalna, sur lar tabari ana sa ning i kapan suri.

Luk 4:26

Ika e God bel i sune e Elaija tetek ta te Israel, tetek a lao ka ana hanua Sarefat tumo na papar Saidon. Esaning bel a hane Israel.

A Wakak a Warwara o e Iesu Karisito i tumusi 7:24

E Iesu i han mitingia, pa i hanot milau a hanua Tair. I kas uting na ning a rumai. Bel i mang sur tik ir tasmani, ika bel i tolsot sur ir mumun.

Matiu 26:24

A Nat a Barsan ir hirua arlar larot ning di ka tumus tari ting na Buk Tabu. Ika ir laulau kol tetek a barsan ning ir saran tari tetek a hiruala. Ir wakak teteki ning bel dir agoni.”

Tatatai 6:12

A oroi ning a Nat a Sipsip i pilik sen a mundiono na bulit. A tnan mamais i gulgule rakrakai kol, a kamis i mutmut arlar ana mutmut a kaen a tobo ning di toli ana hih a meme, pa a kalang i kubar arlar ana suluk.

Tatatai 11:3

Par saran tar a rakrakai tana nuk naur a tena warwara talapor hok, diar mermer ana kaen a tobo pa diar warwara na propet pas ana 1,260 a pukakiar.”