Matiu 10:5 - Label

⁵ E Iesu i sune sen ning a bonot pa pisir naur a kakak a asaerla, pa i atai la mang, “Gong mulo han tetek a tarai ning belsur a tarai Israel, pa gong mulo han uting na hananuala ana te Samariala.

Matiu 10:5 Referans Kwoze

Jon 4:9

A hane Samaria i keles e Iesu mange, “U a te Juda, pa iau a hane Samaria. Sur asa ning u nunung iau sur al malum?” Anasa a Judala bel la bal taum ana Samariala.

Luk 17:16

Pa i tur ana bokona hana milau naur a hana e Iesu pa i atong wakak teteki. A barsan ne a te Samaria.

Aposel 10:45

Dingla na tena tortorot tagun a tarai Juda ning la armuri taum o e Pita, la kulkulan, mang e God i artabar otleng ana Talngan Tabu tetek a tarai ning bel a tarai Juda.

Luk 9:2

Pa i sune la sur lar warawai ana matanitu ane God, pa lar alangolango a tinsamanla.

Aposel 1:8

Ning a Talngan Tabu ir kes o mulo, mulor kibas a rakrakai, pa a ututnala ning mulo oroi tak mulor warwara talapor ono saot e Jerusalem, pa ting na hananuala rop tumo na naur a papar Judia pa e Samaria, pa ting na rakrakan hanua rop.”

Jon 20:21

E Iesu i atong ulaki tanla mange, “A bal molmol tetek mulo. E Tata i sune iau, mang otleng larning ar sune mulo.”

Jon 7:35

Dingla na Juda la deke artalai la mange, “A barsan ne ir han ma utaha, ning bel dalar oroi teteki? Ir han sur a hanhanuala anuna tarai Grik, ning anundala na tarai la kes ia? Ngandek ir asaer a tarai Grik?

Jon 4:5

Tumo e Samaria, i hanot ana hanua Sikar, milau a puka kabalapiu, nating ot e Jekop i tabar tar e natnalik e Josep onoi.

Luk 10:33

“Ika ning a te Samaria i han amon, i han tar ana barsan ning, pa ning i oroi, i maris koli.

Matiu 4:15

“A piu anuna mangis a tarai Sebulon pa a piu anuna mangis a tarai Naptali, milau a ngas ning i han utumo latasi, ana ris a malum Jodan utumo, dia kes ting na papar Galili, ning a tarai ning bel a tarai Juda la kes ia.

Aposel 8:1

E Sol i malmaling taum onla sur dir umkol e Stiwen. Ana pukakiar ning, a tarai la turpasi sur lar alaulau a tarai a lotula saot e Jerusalem, pa a tarai a lotula la han sarara ana naur a papar e Juda pa e Samaria. Ika, a aposella bel la han.

Jon 8:48

Dingla na Juda la atai e Iesu mange, “Mila tasman momoli mang u a te Samaria, pa a mot kaning hom.”

Jon 4:20

A tumtubumila nating la lotu tetek e God ana mangir ne, ika mulo a tarai Juda mulo atongi mang dir lotu tetek e God saot e Jerusalem.”

Luk 10:1

Lamur a Leklek i aslang pas mais a bonot pa pisir naur a tarai otleng, pa i sune naunaur onla sur lar nigoni uting na tatatnan hanua, pa ting na nanatar a hanua, ning i otleng ir han ia.

Matiu 22:3

Pa i sune sen anuna na tena titol oros tetek la, ning di ka atai nigon tar la, sur lar ben pas la sur a ngasa. Ika la ngongoio rop ka.

A Wakak a Warwara o e Iesu Karisito i tumusi 6:7

I kabah pas ning a bonot pa pisir naur a kakak a asaerla, pa i sune naunaur onla, pa i saran tar a rakrakai tanla sur lar kepsen a motla.

Luk 9:1

Ning e Iesu i kabah taum pas ning a bonot pa pisir naur a kakak a asaerla, i saran tar a rakrakai pa a warkuraila tetek la sur lar kepsen a motla rop, pa lar alangolango otleng a taraila kusun a tinsamanla.

Jon 17:18

A sune la uting na rakrakan hanua larning u sune iau otleng ute na rakrakan hanua.