Luk 7:14 - Label

¹⁴ I han milau, pa i tong a logo ning di los a minat onoi, pa a tarai ning la los a minat la tur suai. E Iesu i atongi mang, “Barman, a atai u mang ur kamtur.”

Luk 7:14 Referans Kwoze

Jon 5:25

A atong momoli ta mulo, a taem ir hanot, pa ka hanot, ning a minatla lar longor a Nat e God, pa la ning la longori lar laun.

Jon 11:25

E Iesu i atai i mange, “Iau a lalaun ulak kusun a minat, pa iau a lalaun momol. Esining i tortorot hok, ning ir mat, ir laun ulak,

A Pas ane Pol tetek a tarai Rom 4:17

Larning di ka tumus tari ting na Buk Tabu mange, “A akes tar u sur u a taman a tarai miting na galis a matanitu.” Stat 17:5 Ana matana e God, e Abaram a tamandala, anasa i tortorot o e God, esaning i sira akamtur a tarai kusun a minat, pa i sira warwara ka, pa a ututnala ning belot la hanot, la hanot ka.

Jon 5:21

E Tamana i akamtur a minatla pa i tabar la ana lalaun, mang otleng larning tetek e Natnalik, ir tabar la ning i mang sur ir tabar la ana lalaun.

Epeses 5:12

Anasa a toltolla ning la sira tol kumnani, a utna na meme kol, pa dalar meme ning dalar warwara onoi.

A Wakak a Warwara o e Iesu Karisito i tumusi 5:41

E Iesu i tong pas a kuna kaklik hane ning, pa i atai i mange, “Talita koum!” A kamkama warwara ne, “Hanelik, a atai u, ur kamtur.”

Luk 7:13

Ning a Leklek i oroi a hane ning, i marisi pa i atai i mang, “Gong u domos.”

Luk 7:15

A minat i kes pa i tur pas a warwara. Pa e Iesu i saran ulak tari tetek e tana.

Luk 7:17

Pa warwara ona utna ning e Iesu ka tol tari, i han sarara to na papar Judia rop, pa a hananuala milau otleng.