Luk 6:22 - Label

²² Mulo angis ning a tarai la nget mulo, pa ning la kepsen mulo pa la atong laulau mulo, pa ning la atong laulau a risamulo, anasa mulo na halal a Nat a Barsan.

Luk 6:22 Referans Kwoze

Matiu 10:22

Pa taraila rop lar nget mulo anasa mulo anuki, ika esining ir tur rakrakai tuk anuna lalaun ir rop, e God ir alauni.

1 Pita 3:14

Ika ning dir akadik mulo anasa ana numulo na tostos a toltol, mulo angis. “Gong mulo matatan asaning lar amatmataut mulo onoi, pa gong mulo koloron.” Ais 8:12-13

Jon 16:2

Lar sairas mulo kusun a rumai lotula. Momol, a taem ir hanot lamur, ning a tarai ning lar umkol mulo, lar nuki mang la tol a titol ane God.

Jon 7:7

A taraila ana rakrakan hanua bel lar nget mulo, ika la nget iau, anasa a atai la ana nunla na toltol laulaula.

Jon 12:42

Pa galis a ningnigola otleng tagun a tarai Juda la tortorot o e Iesu, ika bel la warwara talapor onoi, sakana a Parisaiola lar kepsen la kusun a rumai lotula.

Aposel 24:5

Mila oroi a barsan ne a tena tol arsakai, pa i akamtur a arsakai na arpotor a tarai Juda ana rakrakan hanua rop. Pa i a ningnigo ana asasongo na lotu di atongi mang a lotu Nasaret.

Aposel 9:16

Pa ar asangani mang ir kilang a galis a kankan ana risak.”

Jon 17:14

Ia ka atong tar anuma warwarala tanla, pa a rakrakan hanua i nget la, anasa bel la mite na rakrakan hanua, larning iau otleng, bel iau mite na rakrakan hanua.

Luk 21:17

A taraila rop lar nget mulo anasa mulo anuki.

Matiu 10:39

Esining i mangan alar anuna lalaun, ir hirua, pa esining i noren sen anuna lalaun sur iau, ir laun.

Aposel 22:22

A tarai la longor a warwara ane Pol tuk ot ana warwara ne. Lamur la kukuk ana tnan elngenla mange, “A barsan ne ir rarop kusun a rakrakan hanua, bel i sot sur ir laun.”

Jon 9:34

La kelesi mange, “Di agon pas u ana toltol laulau, pa u mang sur ur asaer mila!” Pa la kepseni kusun a rumai lotu.

Luk 20:15

Pa la minggen purum seni kusun a barim, pa la um amat seni. “Asa ma a taman a barim a wain ir toli onla?

Matiu 10:18

Pa dir dat mulo uting na warkuraila na matan a tatatnan ningnigola pa kingla, anasa mulo anuki. Mulor warwara talapor hok tetek la pa tetek a tarai ning belsur a tarai Juda.

Luk 6:21

Mulo ning mulo murak onone, mulo angis, anasa lamur mulor masur. Mulo ning mulo domos onone, mulo angis, anasa lamur mulor lagar.

Jems 1:12

A barsan ning i tolsot pas a arlam, pa i tur rakrakai, i angis. Anasa esaning i tolsot pas a ututnala ning di lar anuna tortorot onoi, ir kibas pas a kukuh na lalaun tikin, ning e God i lele tar sur ir sarani tanla rop ning la mang suri.