Luk 6:21 - Label

²¹ Mulo ning mulo murak onone, mulo angis, anasa lamur mulor masur. Mulo ning mulo domos onone, mulo angis, anasa lamur mulor lagar.

Luk 6:21 Referans Kwoze

Jon 6:35

E Iesu i atai la mange, “Iau a bret na lalaun. Esila ning lar han tetek iau, bel lar murak, pa esila ning lar tortorot hok, bel lar mos ulak.

Matiu 5:6

La ning la murak pa la mos sur a tostos a toltol, la angis, anasa lamur lar masur.

Jems 1:12

A barsan ning i tolsot pas a arlam, pa i tur rakrakai, i angis. Anasa esaning i tolsot pas a ututnala ning di lar anuna tortorot onoi, ir kibas pas a kukuh na lalaun tikin, ning e God i lele tar sur ir sarani tanla rop ning la mang suri.

Luk 1:53

I tabar a kapan a tarai ana wakak a ututnala pa i sune sen a leklekla ana wah a kunla.

Matiu 5:4

La ning la domos, la angis, anasa e God ir amoro la.

Tatatai 7:16

Bel lar murak, pa bel lar mos ulak ma. Pa a kamis bel ir alaulau la, pa bel ta utna otleng ir rang sakan la.

Luk 6:25

Ir laulau tetek mulo ning mulo masur onone, anasa lamur mulor murak. Ir laulau tetek mulo ning mulo langlagar onone, anasa lamur mulor bal maris pa mulor domos.

1 Korin 4:11

Tuk onone mila sira murak, pa mila sira mos, mila sira pipis na taktaksilir a kaen, di sira um laulau mila, pa bel ta rumai anumila.

Jon 4:10

Ika e Iesu i kelesi mange, “Ning u tasman a artabar ane God, pa u tasman otleng esaning i nunung u sur al malum, ur nunungi, pa ir tabar u ana malum a lalaun.”

Tatatai 21:3

Pa a longor a tnan elngen takai misaot ana keskes a king i atongi mang, “Oroi, a hanua ane God ka kes taum ona tarai. I ot ir kes taum on la, pa lar hanot anuna tarai. E God ir kes taum on la, pa ir hanot anunla God.

2 Korin 12:10

I maining a gas kol mang belal rakrakaik, pa ning di atong laulau iau, pa ana mamahatla, pa ning a taraila la akadik iau, pa ning a kilang a rakrakai a bal maris, anasa a tortorot o e Karisito. A gas, anasa ning belal rakrakaik, a rakrakai.

2 Korin 11:27

A rakrakai pa a titol rakrakai. Pa galis a taem bel a tolsot sur ar borbor. A galis a taem a mos pa a murak. Pa dingla na taem a kapan sur a kaen pa a kilang a kotkoto.

2 Korin 6:10

Mila bal maris, ika mila sira gas ana pukakiarla rop. Mila kapan, ika mila sira angisngis a galis a tarai ana gongon ana ingun. Bel anumila al utna, ika a ututnala rop anumila.

Jon 11:35

Pa e Iesu i domos.

Luk 6:20

E Iesu i ngoson anuna tarai a asasaer pa i atongi mang, “Mulo ning mulo kapan, mulo angis, anasa a matanitu ane God anumuloi.

Luk 6:22

Mulo angis ning a tarai la nget mulo, pa ning la kepsen mulo pa la atong laulau mulo, pa ning la atong laulau a risamulo, anasa mulo na halal a Nat a Barsan.