Luk 4:18 - Label

¹⁸ “A inguna Leklek i kes hok, anasa ka aslang pas iau sur ar warawai ana wakak a warwara tana kapan a tarai. I sune iau sur ar warawai mange, dir paksen la ning di dot akes tar la, dir apalpalas ulak la ning a matanla i kut, pa dir alangolango la ning la kilang a mamahatla ning di tol tari onla,

Luk 4:18 Referans Kwoze

Matiu 11:5

A kutla la ka tai, la ning a hanla i mat la ka han tostos, a leprala la ka langolango, na talngana kutkut la ka longor, a minatla la ka kamtur, pa di warawai ana Wakak a Warwara tetek a kapan a tarai.

Aposel 10:38

Mulo tasmani mang e God ka saran tar a Talngan Tabu taum ana rakrakai tetek e Iesu, a te Nasaret. Ning i han taltal, i tol a wakak a titolla, pa i alangolango pas la, ning la kes nahai a warkurai ane Satan. E Iesu i tol a ututnala ne, anasa e God i kes taum onoi.

Luk 7:22

Pa i keles diau mange, “Mur ulak, pa mur atai e Jon ana ututnala ne mu ka oroi tari, pa mu ka longor tari: A kutla la ka tai, la ning a hanla i mat la ka han tostos, a leprala la ka langolango, na talngana kutkut la ka longor, a minatla la ka kamtur, pa di warawai ana Wakak a Warwara tetek a kapan a tarai.

Aposel 26:18

Ur apalpalas a matanla sur lar talingir kusun a mormorom sur a talapor, pa kusun a rakrakai ane Satan tetek e God, sur dir kepsen anunla na toltol laulau, pa lar kes taum onla ning a aslang pas la sur anuka tostos a tarai, la ning la tortorot hok.’

Jon 12:46

A hanot ute na rakrakan hanua lar a talapor, sur esining i tortorot hok, bel ir kes ana mormorom.

1 Pita 2:9

Ika mulo na tarai a aslang, na tena tuntun artabar tetek a King, mulo na totoh a mangis a tarai, pa mulo na tarai ane God. E God ka kabah pas mulo miting na mormorom sur anuna talapor ning i wakak kol, sur mulor warwara talapor ana anun na wakak a titol.

Kolosi 1:13

I ka alaun pas dala kusun a rakrakai ana mormorom, pa ka ben kas pas dala uting na matanitu ane Natnalik ning i mang kol suri,

Matiu 4:16

A tarai ning la kes ana mormorom la ka oroi a tnan talapor, pa la ning a mormorom a minat i poroi alar la, a talapor ka hanot tetek la.” Ais 9:1-2

Matiu 5:3

“La ning la tasmani mang la kapan ana ingunla, la angis, anasa anunla a matanitu misaot na langit.

Luk 6:20

E Iesu i ngoson anuna tarai a asasaer pa i atongi mang, “Mulo ning mulo kapan, mulo angis, anasa a matanitu ane God anumuloi.

Jems 2:5

Na wakak a tastasikla, mulor longor iau: I mangasa, bel mulo tasmani mang e God i aslang pas a kapan a tarai te lapiu, sur lar tena gongon ana tortorot? Lar kibas pas a matanitu ning e God i lele tar sur ir sarani tanla rop ning la mang suri.

Jon 3:34

Esaning e God i sune i, i warwara ana warwara ane God, anasa e God i saran arop tar a Talngan Tabu teteki.

Jon 1:41

A ningnigo na utna ning e Endru i toli, i seren pas e tasnalik e Saimon, pa i atai i mange, “Mila ka pastetek pas a Mesaia!” (a kamkamna mang e Karisito).

Matiu 12:20

Bel ir kuben a kunai ning i dou, pa bel ir wus kol a lam ning bel i kubar wakak. Ir toli larne tuk a tostos a warkurai ir tolsot pas a toltol laulau.

Aposel 4:27

A momolna, e Herot pa e Pontius Pailat la han taum ana taraila ning bel a tarai Israel, pa a tarai Israel otleng, te na hanua ne, sur lar alaulau anuma Totoh na Tena Titol e Iesu, ning u ka aslang pasi.

Matiu 12:18

“Ine anuka tena titol ning ia ka aslang pasi, a katnani, a gas kol ono. Ar akas tar a Inguk ono, pa ir apuasa a warkurai ning i tostos tetek na tarai miting na matanitula.

Luk 4:17

Pa di saran tar a buk anuna propet Aisaia teteki. I sapang a buk ning di ka in tari, pa i pastek pas a pukna ning di ka tumus tari onoi mange,

Aposel 4:26

A kingla miting na rakrakan hanua la tur na harum, pa a ningnigola la han taum, sur lar alaulau a Leklek pa anuna Mesaia, ning i aslang pasi.’ Buk Song 2:1-2