Luk 24:52 - Label

⁵² La lotu teteki, pa la ulak usaot e Jerusalem ana tnan gasgas.

Luk 24:52 Referans Kwoze

Matiu 28:9

Ono otning e Iesu i hanot kulkulan tetek diau. Pa i atai diau mang, “Wakak a kobot tamu.” Dia han teteki, dia tong naur a hana pa dia lotu teteki.

Jon 16:22

Mang otleng larning tetek mulo, onone mulo bal maris, ika ar oroi ulak mulo, pa mulor gas. A gasgas ne, bel tik ir kepseni kusun mulo.

1 Pita 1:8

Tur pasi nating tuk onone belot mulo oroi i, ika mulo mang kol suri. Onone bel mulo oroi i, ika mulo tortorot onoi. Pa mulo bukus ana tnan gasgas ning bel dir pak sot pasi ana ta warwara, pa i bukus ana matatar.

Jon 20:28

E Tomas i atai i mange, “Nuk a Leklek pa nuk a God!”

Jon 14:28

“Mulo ka longor tar asaning ia ka atong tari mang, ‘Ar han pas pa ar ulak tetek mulo.’ Ning mulo mang sur iau, mulor gas mang ar han tetek e Tata, anasa i leklek tak.

Matiu 28:17

Ning la oroi e Iesu, la lotu teteki, ika dingla onla, la urmatana nuknuk.

Jon 16:7

A atong momoli ta mulo mang, ir wakak tetek mulo ning ar han. Ning bel ar han, a Tena Arnangai bel ir hanot tetek mulo. Ika ning ar han, ar sune i ute tetek mulo.

Luk 24:51

Ning kaning ot i atong angis la, i han kusun la, pa e God i los kas pasi usaot na langit.

Luk 24:53

Pa la keskes tingui na rumai a artabar, la atong aleklek pas e God.

Aposel 1:12

Lamur a aposella la ulak usaot e Jerusalem, kusun a mangir di atongi a Mangir Oliw. I milau ka e Jerusalem, i arlar ka ana takai a kilomita.