Luk 23:34 - Label

³⁴ E Iesu i atongi i mang, “Tata, kepsen sen anunla na toltol laulaula, anasa bel la tasman asa ne la toli.” Pa la pilai laki sur lar los pas taktakai kaen miting na nuna kaenla.

Luk 23:34 Referans Kwoze

Matiu 5:44

Ika iau, a atongi ta mulo mang, mulor mang sur anumulo na hirua, pa mulor nunung sur la ning la alaulau mulo.

Aposel 7:60

Pa i kes ana bokona hana, pa i kukuk mang, “Leklek, gong u keles a toltol laulau ne la toli.” Ning i atong aropi larne, i mat.

1 Pita 3:9

Gong mulo keles a laulauna uting na laulau, pa gong mulo keles a laulau a warwara uting na laulau a warwara. Ika mulor atong angis la ning la tol a laulauna tetek mulo, anasa e God i kabah pas mulo sur mulor toli larne, sur ir angis mulo.

A Pas ane Pol tetek a tarai Rom 12:14

Ning a tarai la alaulau mulo, mulor nunung sur e God ir atong angis la, pa gong mulo nunung sur e God ir alaulau la.

1 Korin 2:8

Bel ta ningnigo mite na rakrakan hanua i tasman a tastasim ne. Pa ngandek la ka tasman tari, bel lar sai ahat a Leklek, ning i bukus ana matatar, saot na rakai kutus.

1 Timoti 1:13

Nating a sira atong laulau e Iesu, a alaulau a taraila ning la tortorot pa a akadik la. Ika e God i maris iau, anasa bel a tasman a utna ning a toli, pa belot a tortorot.

Aposel 3:17

“Na tastasikla, a tasmani mang mulo taum ana numulo na ningnigo otleng bel mulo tasman asaning mulo toli o e Iesu.

1 Korin 4:12

Mila titol rakrakai ana kumila ot. Ning la atong laulau mila, mila atong angis la. Ning la akadik mila, bel mila keles la.

Matiu 11:25

Ana taem ning, e Iesu i atongi mang, “Tata, u a Leklek misaot na langit pa rakrakan hanua rop. Ar rakan aleklek pas u, anasa u bunur a ututnala ne kusun a tena tastasmaila pa la ning la tastasman, pa u apuasa i tetek la ning la arlar ana kakakla.

Jon 19:11

E Iesu i kelesi mange, “U tolsot sur ur warkurai iau, anasa e God i saran tar a rakrakai tam. Ika esining i saran tar iau tetek u sur ur warkurai iau, anuna toltol laulau i laulau kol ana num a toltol laulau.”

A Wakak a Warwara o e Iesu Karisito i tumusi 15:24

La sai ahat tari saot na rakai kutus. La asauran pas anuna na kaenla ana pilai laki, sur esi onla ir los ta kaen.

Matiu 11:26

A momolna, Tata, anasa u mang ot sur ir manglarning.

Luk 22:42

“Tata, ning u mang, ur los sen a kap a kankan kusun iau. Ika gong di mur a nuknukik, dir mur ot a nuknukim.”

Jon 17:9

“A nunung sur la. Bel a nunung sur a taraila tagun a rakrakan hanua, ika a nunung sur la ning u saran tar la tak, anasa la anumi.

Aposel 16:28

Ika e Pol i arkabah rakrakai teteki mange, “Gong u alaulau u, mila rop kane.”