Luk 20:26 - Label

²⁶ Pa bel la asobor lar pasi ana matana tarai ana nuna warwarala. La kulkulan ana nuna warwara na arkeles, pa la kes wowowon tar kama.

Luk 20:26 Referans Kwoze

Luk 20:20

A tena asaerla tagun a warkurai pa leklek a tena artabarla tetek e God la ngoson rakrakai i, pa la sune sen dingla na tarai sur lar batnani pa lar asongo mang la a momol a taraila. Pa la kes longoroi sur ta warwara ning ir atongi sur lar tiu i ono pa lar saran tari nahai a warkurai pa rakrakai anuna ningnigo tagun a matanitu Rom.

Taitus 1:10

Ur aslang pas a ningnigola miting na lotu, anasa a galis a tarai na tabun longor. La awara a tarai ana ututnala oros ka pa la asongo pas la. Dingla na tarai onla, la ning la atongi mang, dir kot talilis a palaon a tarai ning bel a tarai Juda.

A Pas ane Pol tetek a tarai Rom 3:19

Dala tasmani mang, asaning a Buk a Warkurai i warwara ono, bel i warwara ana tarai ning bel a tarai Juda ka, i warwara otleng ana tarai Juda, ning la kes nahai a Warkuraila. I maining a tarai rop mite na rakrakan hanua lar tur ana warkurai ane God, pa bel tik ir puai lar pas.

Luk 13:17

Ning i atong tari larne, la rop ning la lingir a titol ane Iesu, la meme, ika a kunum a tarai la gas ana wakak a ututnala ning e Iesu i toli.

Matiu 22:34

Ning a Parisaiola la longori mang, e Iesu ka wolot sot pas a Sadusila, la han taum teteki.

Matiu 22:22

Ning la longori, la kulkulan kol pa la han kusuni.

Matiu 22:12

Pa i dekeni mang, ‘Lak, u kas mangmangasa tar ute? Bel a num ta kaen na ngasa na taulai.’ A barsan ning bel i kelesi.

Matiu 8:10

Ning e Iesu i longor anuna warwara, i kulkulan kol onoi, pa i atongi tetek a tarai ning la muri mang, “A atong momoli tamulo, bel a oroi tar ta te Israel ning anuna tortorot i itna arlar ana barsan ning.

Luk 11:54

Pa la kes nanan e Iesu sur ta ngas a warwara sur lar tiu i onoi.