Luk 19:38 - Label

³⁸ “A king ning i hanot ana risan a Leklek i angis! Buk Song 118:26 A bal molmol usaot na langit, pa a matatar usaot tetek e God!”

Luk 19:38 Referans Kwoze

Luk 13:35

Oroi! E God ir han kusun anumulo a hanua. A atai mulo, bel mulor oroi ulak iau tuk ana pukakiar ning mulor atongi mang, ‘Esaning i hanot ana risan a Leklek i angis.’” Buk Song 118:26

Matiu 21:9

A kunum a tarai ning la nigo tana, pa la otleng ning la mur, la kukukuk mange, “Hosana tetek a Nat e Dewit! Esaning i hanot ana risan a Leklek i angis.’” Buk Song 118:25-26 “Hosana usaot kol!”

1 Pita 1:12

E God i apuasai tetek a propetla mang a ututnala ne, bel ir hanot tetek la. La warwara ka ana ututnala ning e God ir toli tetek mulo. Pa onone, mulo ka longor tari kusun a tarai ning la warawai ana Wakak a Warwara tetek mulo ana rakrakai a Talngan Tabu esaning di sunei misaot na langit. Pa a ututnala ne, na angelo otleng la mang kol sur lar oroi i.

1 Timoti 1:17

Dalar saran a hanrawai pa dalar atong aleklek pas a King ning i laun tikin, esaning bel dala oroi, ning i ka i God. A aleklek ne bel ir rarop pa bel ir rarop. Amen.

Epeses 1:12

I aslang pas mila sur mila na ningnigo na tarai ning mila tortorot o e Karisito, sur milar atong leklek pas e God ana nuna matatar.

Matiu 25:34

A king ir atai la ning kaning na sot a kuna mang, ‘Mulo han ute, mulo ning e Tata ka angis tar mulo. Mulor kibas pas a matanitu ning ka sang tari sur anumulo, tagun nating ot na kamkama rakrakan hanua.

Epeses 1:6

Pa dalar atong aleklek pas e God ana nuna wakak a marmaris, ning ka tabar oros dala onoi, o e Natnalik ning i katnan koli.

A Pas ane Pol tetek a tarai Rom 5:1

Ana nundala tortorot ot, e God ka atong dala mang dala tostos namatana. I maining dala kes na bal molmol taum o e God, anasa ana nundala Leklek e Iesu Karisito.

Kolosi 1:20

Pa ana minat e Natnalik, a ututnala rop la ulak teteki sur lar kes na armoro taum onoi, a ututnala te lapiu pa a ututnala saot na langit. I tol a bal molmol ana suluk e Natnalik ning i mat saot na rakai kutus.

Epeses 3:21

Dala taum ana tarai lamur, dalar atong leklek pasi, bel ir rop pa bel ir rop ana tnan ututnala i ka tol tari ana tarai a lotu, pa o e Karisito Iesu. Amen.

Epeses 3:10

Pa onone, i toli larne tetek a tarai a lotu, sur ir apuasa anuna tnan tastasman tetek na ingun saot na langit, a ningnigola anuna ingunla, pa la ning la tong akes a rakrakai sur lar warkurai.

Matiu 2:2

Pa la deke mang, “Kanaha a kaklik ning di agoni, sur ir king anuna tarai Juda? Anasa mila oroi anuna nangnang ting na pukna ning a kamis i pusa ot ia, pa ine mila han ute sur milar lotu teteki.”

Matiu 25:40

“A king ir keles la mang, ‘A atong momoli ta mulo, asaning mulo toli tetek ta barsan oros ka tagun a tastasikla ne, mulo toli hok.’