Luk 17:25 - Label

²⁵ Ika a Nat a Barsan ir kilang nigon a galis a mamahat, pa a taraila tagun onone lar pilak seni.

Luk 17:25 Referans Kwoze

Matiu 16:21

Turpasi ana pukakiar ning, e Iesu i atalapor anuna kakak a asaerla mang, ir han ot usaot e Jerusalem. Pa ir kilang a galis a mamahat miting na kun a ningnigola, a leklek a tena artabarla tetek e God, pa a tena asaerla tagun a warkurai, pa dir umkoli. Ning natol a pukakiar ir rop ir laun ulak.

Luk 9:22

E Iesu i atongi tanla mange, “A Nat a Barsan ir kilang a galis a mamahat, pa a ningnigola, a leklek a tena artabarla tetek e God, pa a tena asaerla tagun a Warkurai lar gilam ris kusuni pa dir umkoli. Pa ning natol a pukakiar ir rop, ir laun ulak.”

A Wakak a Warwara o e Iesu Karisito i tumusi 8:31

E Iesu i turpasi sur ir asaer anuna kakak a asaerla mange, “A Nat a Barsan ir kilang a galis a mamahat, pa a ningnigola, pa a leklek a tena artabarla tetek e God, pa a tena asaerla tagun a warkurai lar gilam ris kusuni pa dir umkoli. Ning natol a pukakiar ir rop ir laun ulak.”

Jon 1:11

I hanot sur anuna taraila, ika anuna taraila ot bel la malmaling pasi.

Luk 18:33

Pa ana atol a pukakiar ir laun ot ulak.”

A Wakak a Warwara o e Iesu Karisito i tumusi 12:10

Mangmangasa, bel mulo was a warwara ne ting na Buk Tabu? I atongi mange, ‘A hat ning a tena tol rumaila la kepseni, i ot ning a wakak a hat kes, ning di tol a rumai saot ono.

Matiu 21:42

E Iesu i atai la mang, “I mangasa, belot mulo was a warwara ne ting na Buk Tabu? I atongi mang, ‘A hat ning na tena tol rumai la kepseni, i ot ning, a wakak a hat kes, ning di tol a rumai saot ono. A utna ne, a Leklek ot ka tol tari, pa i wakak kol ana numila a tatatai.’ Buk Song 118:22-23

Jon 12:38

sur a warwara ning a propet Aisaia i warwara tar onoi ir hanot momol. I atongi mange, “Leklek, esining ka tortorot ana warwarala ning mila atongi? Pa esining di ka asangan tar a rakrakai anuna Leklek tana?” Ais 53:1

Luk 24:46

I atongi tanla mang, “Di ka tumus tari mang, a Karisito ir hirua, pa ana natol a pukakiar lamur ir laun ulak kusun a minat,

Luk 18:31

E Iesu i ben maskan pas anuna ning a bonot pa naur a kakak a asaer, pa i atongi tanla mang, “Oroi, onone dalar han usaot e Jerusalem, pa dir tolsot pas a ututnala rop ning a propetla la ka tumus tari ana Nat a Barsan.

A Wakak a Warwara o e Iesu Karisito i tumusi 10:33

“Oroi, ne dala han usaot e Jerusalem. Dir saran tar a Nat a Barsan tetek a leklek a tena artabarla tetek e God taum ana tena asaerla tagun a warkurai. Lar warkurai i sur ir hirua, pa lar saran tari tetek la ning bel a tarai Juda.