Luk 12:40 - Label

⁴⁰ Mulo otleng, mulor sang, anasa a Nat a Barsan ir hanot nangse ning bel mulo nuki mang ir hanot.”

Luk 12:40 Referans Kwoze

1 Tesalonika 5:6

Pa gong dala arlar ana dingla na tarai ning la borbor duman. Dalar tai alar dala pa dalar warkurai tostos anundala lalaun.

Tatatai 19:7

Dalar gas, pa dalar saran a matatar teteki! Anasa a pukakiar a tinaulai anuna Nat a Sipsip ka hanot, pa nuna hane ka sang.

A Pas ane Pol tetek a tarai Rom 13:11

Mulor toli larning, pa mulor oroi lalan a pukakiarla onone. A pukakiar ka hanot sur mulor mata. Anasa ning dala turpas a tortorot o e Karisito, a pukakiar ning e God ir alaun dala, belot i milau kol, ika onone ka milau.

Matiu 25:13

“Larning, mulor tumarang mulo, anasa bel mulo tasman a pukakiar o a puka kamis ning a Leklek ir hanot ono.

A Pas ane Pol tetek a tarai Rom 13:14

Ika mulor mermer taum ana lalaun anuna Leklek e Iesu Karisito, pa gong mulo nuknuk sur ta ngas ning mulor agasgas a turai a lalaun.

Matiu 24:44

Mulo otleng, mulor sang, anasa a Nat a Barsan ir hanot ana puka kamis ning bel mulo nuki ir hanot ono.

Matiu 24:42

“Mulor tumarang mulo, anasa bel mulo tasman a pukakiar ning anumulo a Leklek ir hanot ono.