Luk 11:49 - Label

⁴⁹ I ma ining, e God, esaning i tastasman kol, i atongi mang, ‘Ar sune a propetla pa a aposella tetek a tarai, pa a tarai lar umkol halala tagun la, pa al tarai otleng lar akadik la.’

Luk 11:49 Referans Kwoze

1 Korin 1:30

E God ot ka tol tar a ngas sur mulor laun taum o e Karisito Iesu, pa i saran tari sur i a kamkama anundala na tastasim ta e God. O e Karisito, e God i atong dala mang dala tostos namatana, pa dala totoh namatana. Pa ana titol ane Karisito, e God i lou alangolango pas dala kusun anundala na toltol laulau.

Kolosi 2:3

A tastasman rop pa a wakak a nuknuk rop la arlar ana wakak a gongonla, pa la kes mumun o e Karisito.

Epeses 4:11

I ot ning i saran a artabarla ning tetek anuna taraila larne: a aposella, a propetla, na tena warwara talapor ana Wakak a Warwara, a tena tai alarla, pa a tena asaerla,

1 Korin 1:24

Ika, e Karisito a rakrakai ane God, pa a tastasim ane God, tetek a tarai ning e God i kabah pas la. A tarai ning, tagun a tarai Juda pa miting na tarai Grik.

Aposel 22:20

Pa ning di umkol e Stiwen, esining i warwara talapor hom, iau otleng a tur tingia, a malmaling taum onla, pa a tai alar a kaenla anunla ning la umkoli.’

Aposel 8:3

Ika e Sol i alaulau a tarai a lotula, i kas ana nunla na rumaila, pa i rih a taraila pa gurarala, pa i akas la ting na rumai a dodot.

Aposel 7:57

Pa la bari ana tnan elngenla, la tong alar a talnganla, pa la dun alari.

Aposel 1:8

Ning a Talngan Tabu ir kes o mulo, mulor kibas a rakrakai, pa a ututnala ning mulo oroi tak mulor warwara talapor ono saot e Jerusalem, pa ting na hananuala rop tumo na naur a papar Judia pa e Samaria, pa ting na rakrakan hanua rop.”

Jon 16:2

Lar sairas mulo kusun a rumai lotula. Momol, a taem ir hanot lamur, ning a tarai ning lar umkol mulo, lar nuki mang la tol a titol ane God.

Luk 24:47

pa dir warawai ana risana tetek a taraila miting na matanitu rop, turpasi saot e Jerusalem. Dir warawai tetek la mang lar lingir a nuknukinla pa e God ir kepsen anunla na toltol laulau.

Matiu 22:6

Pa dingla na tarai otleng ning di han sur la, la tong akes pasi ka na tena titol oros, pa la alaulau la pa la umkol la.

Luk 11:48

Onone mulo asangani mang mulo malmaling taum ana numulo na mangis a tarai tagun nating ana nunla titol, anasa la umkol a propetla, pa mulo, mulo amermer pas a kulam a minatla anunla.

Aposel 11:27

Ana taem ning, dingla na propet la han misaot e Jerusalem utumo e Antiok.

Tatatai 16:6

Ur agang la ana suluk sur ir arlar ana warkurai a arkeles tetek la anasa ana nunla na laulau a titol, anasa la ka um kol tar anuma tarai pa anuma propetla, pa a sulukinla ka tapek.”

Tatatai 18:20

Mulo saot na langit, mulor gas ono! Pa tarai ane God pa na aposel pa na propet, mulor gas! E God i saran a warkurai a arkeles teteki ana ututnala ning i toli o mulo.’”