Luk 11:48 - Label

⁴⁸ Onone mulo asangani mang mulo malmaling taum ana numulo na mangis a tarai tagun nating ana nunla titol, anasa la umkol a propetla, pa mulo, mulo amermer pas a kulam a minatla anunla.

Luk 11:48 Referans Kwoze

Jems 5:10

Na tastasik, mulor nuk pas a propetla tagun nating, ning la warwara ana risana Leklek. La pastetek a kankan, ika bel la ngoro, la tur rakrakai ana tortorot. Pa anunla a lalaun, a wakak a manar tetek mulo, sur mulor muri.

Matiu 23:31

Ika anone mulo apuasa mulo ot mang, mulo na tumtubunla ning la umkol a propetla.

Matiu 23:27

“Ir laulau kol tetek mulo a tena asaerla tagun a warkurai pa a Parisaiola, mulo na tena asasongo. Mulo arlar ana kulam a minatla ning di pen tar la. Ning di oroi la tumo lapiu la wakak, ika ting na balanla i bukus ana sur a minatla pa a ututnala rop ning i dur.

Luk 11:47

Ir laulau kol tetek mulo, anasa anumulo na mangis a tarai ot tagun nating la umkol tar a propetla, pa mulo amermer pas a kulam a minatla anunla.

Luk 11:49

I ma ining, e God, esaning i tastasman kol, i atongi mang, ‘Ar sune a propetla pa a aposella tetek a tarai, pa a tarai lar umkol halala tagun la, pa al tarai otleng lar akadik la.’

A Pas ane Pol tetek a tarai Rom 1:32

A ngas a tarai larne, la tasman ot a warkurai ane God, mang la ning la sira tol a ututnala ne, i sot sur lar mat. Ika la toli ka, pa la malmaling sur a tarai masik otleng lar toli.