Luk 10:26 - Label

²⁶ Pa e Iesu i kelesi mang, “Asa ning di tumus tari ana Warkuraila? Pa asaning u nuki onoi?”

Luk 10:26 Referans Kwoze

A Pas ane Pol tetek a tarai Rom 3:19

Dala tasmani mang, asaning a Buk a Warkurai i warwara ono, bel i warwara ana tarai ning bel a tarai Juda ka, i warwara otleng ana tarai Juda, ning la kes nahai a Warkuraila. I maining a tarai rop mite na rakrakan hanua lar tur ana warkurai ane God, pa bel tik ir puai lar pas.

A Pas ane Pol tetek a tarai Rom 10:5

E Moses i tumtumus onla ning la mur a Warkuraila, mang lar tostos mangmangasa namatana e God. I atongi mange, “Esining ir mur sot pas a Warkuraila ane Moses, ir laun.” Liwai 18:5

Luk 10:25

Ning a tena tastasmai ana Warkuraila i tur pa i toho e Iesu mang, “Tena Asaer, asaning ar toli sur ar kibas a lalaun tikin?”

Luk 10:27

A barsan ning i kelesi mang, “‘Ur mang sur a Leklek anuma God ana balam rop, a ingum rop, a rakrakaim rop, pa a nuknukim rop.’ Lo 6:5 Pa ‘Ur mang sur a halim larning u mang sur u ot.’” Liwai 19:18