Luk 1:79 - Label

⁷⁹ Ir sasai onla ning la kes ana mormorom, pa ana mormorom na minat, sur ir nigon dala ana ngas a bal molmol.”

Luk 1:79 Referans Kwoze

Matiu 4:16

A tarai ning la kes ana mormorom la ka oroi a tnan talapor, pa la ning a mormorom a minat i poroi alar la, a talapor ka hanot tetek la.” Ais 9:1-2

Aposel 26:18

Ur apalpalas a matanla sur lar talingir kusun a mormorom sur a talapor, pa kusun a rakrakai ane Satan tetek e God, sur dir kepsen anunla na toltol laulau, pa lar kes taum onla ning a aslang pas la sur anuka tostos a tarai, la ning la tortorot hok.’

Epeses 5:8

Nating mulo kes ana mormorom, ika ne a Leklek ka akes tar mulo ana talapor. Pa mulor laun arlar ana natnat a talapor.

Jon 12:46

A hanot ute na rakrakan hanua lar a talapor, sur esining i tortorot hok, bel ir kes ana mormorom.

Jon 8:12

E Iesu i warwara ulak tetek a taraila, pa i atongi mange, “Iau a talapor anuna rakrakan hanua. Esining i mur iau, bel ir han ting na mormorom, ika ir kibas a talapor ana lalaun.”

Jon 9:5

Ning a kes te na rakrakan hanua, iau a talapor anuna rakrakan hanua.”

Jon 1:9

Anasa a talapor momol ning ir atalapor a taraila rop, ir hanot ute na rakrakan hanua.

Luk 2:32

A talapor ning ir atalapor anuma ngas tetek la ning bel a tarai Israel, a talapor sur a matatar tetek anuma tarai Israel.”

A Pas ane Pol tetek a tarai Rom 3:17

Pa a ngas na bal molmol, bel la tasmani.” Ais 59:7-8

Aposel 10:36

Mulo tasmani mang e God ka saran sen anuna warwara tetek a tarai Israel. A warwara ne, i a Wakak a Warwara ana bal molmol kamna o e Iesu Karisito, i ning a Leklek anuna tarai rop.