Kolosi 4:18 - Label

¹⁸ Siklik warwara na marmaris ne iau ot, e Pol, a tumusi ana kuk tetek mulo. Gong mulo duman tar iau, mulor nuk pas iau, ning a kes na dodot. A marmaris ane God ir kes taum o mulo.

Kolosi 4:18 Referans Kwoze

Hibru 13:3

Mulor nuk pas la ning la kes ting na rumai a dodot, arlar larning mulo dodot taum otleng onla. Mulor nuk pas la otleng ning di alaulau la, arlar larning di alaulau mulo otleng.

2 Timoti 4:22

A Leklek ir kes taum ana ingum. A marmaris ane God ir kes tetek mulo.

1 Timoti 6:21

Dingla na tarai la atongi mang la tortorot ot ana tastasman ning, pa la ka han masik kusun a tortorot o e Iesu. A marmaris ane God ir kes tetek mulo.

1 Korin 16:21

Siklik warwara na marmaris ne, iau ot, e Pol, a tumusi tetek mulo ana kuk.

Hibru 13:25

A marmaris ane God ir kes tetek mulo rop.

Taitus 3:15

La rop ning la kes taum hok, la saran anunla na marmaris tetek u. Ur saran anumila a marmaris tetek a halalimila ana tortorot. A marmaris ane God ir kes taum o mulo rop.

2 Timoti 1:8

Pa gong u meme sur ur atatai ana Leklek anundala, pa gong u meme hok ning a kes te na rumai a dodot ana risana. Ika, ur sang sur u otleng ur kilang kankan ana Wakak a Warwara taum hok. Pa e God ot ir saran a rakrakai tetek u ning ur titol.

Pilipai 1:7

I tostos sur ar nuknuk larne o mulo rop, anasa mulo kes momol te na nuknukik. Ning a kes te na rumai a dodot, pa a keles a warwara anuna tarai ning la atong laulau a Wakak a Warwara, pa a apuasa i tetek a taraila, dala rop dala tur taum ana titol ne, ning e God i saran tari tak ana nuna marmaris.

2 Tesalonika 3:17

Anuk siklik warwara na marmaris ne, iau ot e Pol, a tumusi tetek mulo ana kuk. Ine a akinalang ana nuka bukla rop. A sira tumtumus ot larne.

Kolosi 4:3

Mulor nunung otleng o mila, sur e God ir sapang a ngas sur milar apuasa a warwara o e Karisito, ning nating i mumun. Kane a kes na dodot, anasa a atatai onoi.

2 Korin 13:14

A marmaris anun a Leklek Iesu Karisito, pa a marmaris ane God, pa a keskes taum ana Talngan Tabu ning i dat taum dala, ir kes taum omulo rop.

A Pas ane Pol tetek a tarai Rom 16:23

E Gaius i saran anuna marmaris tetek mulo. A barsan ne i gasgas pas iau, taum ana tarai a lotu rop, pa i sapang anuna rumai tetek mila. Pa e Erastus a tena tai alar ana mani mite na hanua ne, pa e Kuatus a tasindala, dia otleng dia saran anundiau a marmaris.

A Pas ane Pol tetek a tarai Rom 16:20

Pa e God, esaning a kama bal molmol, milau ma ir pas gingini e Satan nahai a hamulo. A marmaris anuna nundala Leklek e Iesu ir kes taum o mulo.

A Pas ane Pol tetek a tarai Rom 16:22

Iau otleng, e Tertius, ning a tumus a warwarala ane Pol ana pas ne, a saran anuka marmaris tetek mulo ana risana Leklek.