Kolosi 3:10 - Label

¹⁰ pa mulo ka mermer pas ana tona lalaun. A tona lalaun ne, e God ot i saran tari ta mulo pa i sira atonai, sur mulor arlar ot ana manarna, pa mulor tasman momol e God.

Kolosi 3:10 Referans Kwoze

A Pas ane Pol tetek a tarai Rom 12:2

Pa gong ma mulo oroi asasaer ana lalaun mite na rakrakan hanua. Mulor saran tar mulo tetek e God sur ir lingir a nuknukimulo, pa ir atonai, sur mulor tasman lalan a ngas a toltol ning e God i mang suri. A toltolla ning i wakak, i tostos kol, pa e God i gas onoi.

Epeses 2:10

Dala rop, a ngen kuna e God, i akes dala o e Karisito Iesu, sur dalar tol a wakak a titolla, ning e God ka sang tari sur dalar toli.

Kolosi 3:12

Mulo na totoh a tarai ane God, ning i maris mulo, pa i aslang pas mulo. I maining i wakak sur mulor mermer taum ana toltolla ne: mulor nangan a taraila, mulor tol a wakakna tetek la, mulor anatarna pas mulo, mulor kes a bal molmol pa mulor asangan a molmol na toltol.

2 Korin 5:17

Ning tik ir laun o e Karisito, i a tona akakes. Anuna toltol tagun nating ka rop. Oroi, a tona lalaun ka hanot.

Kolosi 3:14

Saot na toltolla rop ne, i wakak ning mulor mermer ana marmaris artalai mulo. A marmaris i dat taum a toltolla rop ne, sur lar titol taum wakak.

1 Jon 2:5

Ning tik ir longor ana warwara ane God, ir mang momol sur e God. Dala tasmani dala ane God mange:

A Pas ane Pol tetek a tarai Rom 13:14

Ika mulor mermer taum ana lalaun anuna Leklek e Iesu Karisito, pa gong mulo nuknuk sur ta ngas ning mulor agasgas a turai a lalaun.

1 Jon 2:3

Ning dala longor ana nuna warkuraila, dala talapor mang dala tasman ot e God.

A Pas ane Pol tetek a tarai Rom 8:29

Lanigo ot e God ka tasman tar la ning anuna tarai. Pa ka aslang pas la otleng nating ot, sur lar hanot arlar o e Natnalik, sur i a ningnigo tana galis a tastasnala.

Jon 17:3

A lalaun tikin i manglarne: A tarai lar tasman u, ning u ka e God momol, pa lar tasman otleng e Iesu Karisito, ning u sune i ute.

Tatatai 21:5

Pa esaning i kes ana keskes a king i atongi mang, “Oroi, onone a atona ututnala rop!” Pa i atongi otleng mang, “Ur tumus akes a warwarala ne, anasa a warwarala ne la momol pa i tolsot pasi sur dir tortorot ono.”

Epeses 2:15

I regen tari ning i mat, i arop sen a warkurai anuna tarai Juda, sur ir dat taum a tarai Juda pa la ning bel a tarai Juda, sur takai kama a tona mangis a tarai, sur dala rop dalar kes ana molmol.

Galesia 6:15

Ning di kot talilis tik, o bel di kot talilisi, i utna oros ka namatana e God. Ning a utna ka i itna, dala a tona akakes ane God.

2 Korin 4:6

Nating ot ning e God i akes a rakrakan hanua i atongi mang, “A talapor ir sasai ot miting na mormorom.” Pa onone, e God ka suah tar anuna talapor te na balandala, sur ir sasai teia, sur dalar tasman a matatar ane God, ning di oroi i ting na patar e Karisito.

2 Korin 3:18

Pa dala, ning bel di poroi alar a matandala ana ta diah kaen, dala apuasa a matatar ana Leklek. Pa anundala na lalaun i talingir amon sur dalar arlar o e Karisito, pa anuna matatar ir itna amon ting na nundala a lalaun. A matatar ne, tana Leklek ot, esaning a Inguna.

A Pas ane Pol tetek a tarai Rom 13:12

Ka morom pas, pa milau ir kabakiar. I maining dalar suah sen a toltol miting na mormorom, pa dalar mermer taum ana ututnala na harum miting na talapor.

Galesia 3:27

Ning di ka baptais tar mulo, i asangani mang mulo takai taum o e Karisito, pa mulo mermer ana nuna lalaun.

A Pas ane Pol tetek a tarai Rom 6:4

Manglarning, ning di baptais dala, dala mat taum onoi, pa di ka por taum dala otleng onoi. E God a Tamandala i akamtur pas e Karisito kusun a minat ana tnan matatarna, larotleng ning dalar laun ana tona lalaun.

2 Korin 4:16

I maining bel mila ngoro ana numila na titol. A palaomila i kes purum amon, ika di atona a ingumila ana pukakiarla rop.

Pilimon 1:6

A nunung mang ur apuasa anuma tortorot o e Karisito tetek a tarai, sur ur mananos kol ana wakak a ututnala rop anundala ning kaning o e Karisito.