Kolosi 1:3 - Label

³ Ning mia nunung sur mulo, mia sira atong wakak tetek e God, e Tamana nundala Leklek e Iesu Karisito,

Kolosi 1:3 Referans Kwoze

1 Tesalonika 1:2

Mitol sira atong wakak tetek e God o mulo rop, pa mitol sira saran tar mulo tetek e God ana numitol na nunungla.

2 Timoti 1:3

A atong wakak tetek e God, esaning a titol teteki ana nuknuk ning bel ta rongo na mata e God, arlar ana tumtubuk tagun nating. A atong wakak teteki ana moromla pa a kabakiarla ning a nunung hom.

Kolosi 1:9

Ine a kamkamna mang bel mia manah ana nunung sur mulo, turpasi ana pukakiar ning mia longor a warwara o mulo. Mia sira nunung e God sur ir abukus tar mulo ana tastasmai sur mulor tasman a nuknukna, pa a tastasmai pa wakak a nuknuk rop ir kes o mulo, ning a Talngan Tabu i sira artabar ono.

1 Korin 1:4

A sira atong wakak bolbolos tetek e God o mulo, anasa ana nuna marmaris ning i saran tari tetek mulo o e Karisito Iesu.

Kolosi 1:13

I ka alaun pas dala kusun a rakrakai ana mormorom, pa ka ben kas pas dala uting na matanitu ane Natnalik ning i mang kol suri,

Epeses 1:15

Larne, ning a longori mang mulo tortorot ana Leklek e Iesu, pa mulo mang sur a taraila rop ane God,

Pilipai 4:6

Gong mulo nuknuk kol sur ta utna. Ana ututnala rop, mulor nunung ana nunung a atong wakak tetek e God. Pa mulor atai i ana sa ning mulo mang suri.

A Pas ane Pol tetek a tarai Rom 15:6

A nunung larning, sur ir takai ka a balamulo pa elngemulo sur mulo taum mulor atong leklek pas e God, a Taman anundala Leklek e Iesu Karisito.

2 Korin 1:3

Dalar atong aleklek pas e God a Taman a Leklek anundala e Iesu Karisito, pa a Tamandala otleng, ning a tena marmaris, pa a kamkama ngas a armoro rop.

Epeses 6:18

Mulor nunung taum ana rakrakai ana Talngan Tabu ana pukakiarla rop, taum ana urmatana nunung rop. Mulor kes na sang, pa mulor sira nunung bolbolos ana taraila rop ane God.