Kolosi 1:18 - Label

¹⁸ I ot a pukul a tarai a lotu, pa la ning a palaona. I a kamkama lalaun anunla, pa a ningnigona ning i kamtur ulak kusun a minat, sur i ot ir leklek tana ututnala rop.

Kolosi 1:18 Referans Kwoze

Tatatai 1:5

pa ta e Iesu Karisito, i a momol a tena warwara talapor o e God, a ningnigo tanla ning lar laun ulak kusun a minat, pa a ningnigo anuna kingla te na rakrakan hanua. I maris dala, pa i alangolango pas dala kusun anundala na toltol laulau ana sulukna,

Aposel 26:23

La atongi mang e Karisito ir mat, pa i a ningnigona ning ir kamtur kusun a minat pa ir warwara ana talapor tetek a tarai Juda pa a tarai masik otleng.”

Matiu 28:18

E Iesu i han milau tetek la, pa i atongi tanla mang, “E God ka saran arop tar a rakrakai tak, sur ar warkurai a ututnala rop saot na langit pa te otleng lapiu.

1 Korin 11:3

Ika, a mang sur mulor tasmani mang, e Karisito a pukul na barsan rop, pa a barsan a pukul a hane, pa e God a pukul e Karisito.

Tatatai 22:13

Iau a Alpa pa Omega, iau a ningnigo pa murmur, a kamkamna pa araropna.

Epeses 5:23

Anasa a barsan i a pukul a keskes a tinaulai, arlar o e Karisito i a pukul a tarai a lotu, pa la a palaona, pa i anunla Tena Alaun.

Tatatai 21:6

Pa i atai iau mang, “Ka rop! Iau a Alpa pa Omega, a kamkamna pa araropna. Esaning i mos ar agangi ana malum miting na matmatana malum, a malum a lalaun, ning bel di sira lou i.

1 Korin 15:25

Anasa e Karisito ir kes na king tuk ning ir tol sot pas anuna hiruala rop sur lar kes nahaina.

Tatatai 11:15

A ararop a angelo ting na mais a angelo, i wus anuna tawuru, pa galis a tnan elngena tarai saot na langit la atongi mang, “A matanitu ana rakrakan hanua ka keles sur a matanitu anuna Leklek anundalai, pa anuna Karisito anunai. Ir kes na king tikin, bel ir rop pa bel ir rop.”

Tatatai 1:18

Iau a lalauna. Ia ka mat pas, oroi i, ia ka laun tikin pa a tong akes a kila ana minat pa ana hanua Hedes, a hanua anunla ning la mat.

Tatatai 1:8

A Leklek e God i atongi mang, “Iau a Alpa pa Omega, esaning i laun nigo, i laun onone pa ir hanot lamur, esaning i rakrakai kol.”

Kolosi 1:24

Onone a gas ana mamahatla ning a kilangi sur ir nangan mulo. Ana mamahatla ning a kilangi ana palaok, a tolsot pas a mamahatla ane Karisito, sur ar nangan a tarai a lotu, la ning a palaona e Karisito.

Epeses 1:10

A nuknukna i mange: Ir dat taum a ututnala rop saot na langit pa te na rakrakan hanua, sur la rop lar kes nahai a warkurai ane Karisito. Tagun nating ot e God ka tasman a utna ne ir toli o e Karisito, pa ning a pukakiar ir sot ir tolsot pasi ot.

Jon 1:27

Esaning ir mur tak, i leklek tak. Pa bel a tolsot pasi sur ar paksen a inau ana anuna su. A natarna kol tana.”

Jon 1:16

I bukus ana marmaris, pa ana nuna tnan marmaris, i sira angisngis dala taum ana galis a wakak a utna.

Jon 1:1

Natnating ot ning belot di akes a rakrakan hanua, a Warwara ka kes nigo. A Warwara i kes taum o e God, pa a Warwara i ot e God.

Tatatai 3:14

“Ur tumtumus tetek a angelo anuna tarai a lotu tumo e Laodisia larne: Na warwara ne anun esaning di atongi Amen, a tena warwara talapor ane God ning i momol kol, pa kama akakes ane God.

1 Jon 1:1

Mila warwara talapor o esaning a Warwara na Lalaun. Natnating ot ning belot di akes a rakrakan hanua, i laun. Mila ka longor tari, mila ka oroi tari ana matamila, mila oroi momol tari ot, pa mila tong ot a palaona.

A Pas ane Pol tetek a tarai Rom 8:29

Lanigo ot e God ka tasman tar la ning anuna tarai. Pa ka aslang pas la otleng nating ot, sur lar hanot arlar o e Natnalik, sur i a ningnigo tana galis a tastasnala.

Matiu 23:8

“Ika, gong di atong mulo a tena asaerla, anasa takai a Tena Asaer sot ka anumulo. Pa mulo tas.

1 Korin 12:27

Mulo ot a palaona e Karisito, pa mulo rop taktakai a didiah palaona.

Kolosi 2:19

I ka takutus kusun e Karisito, i ning a pukul a tarai a lotu, pa dala a palaona. E Karisito i arakrakai a didiah palaona sur lar nangan artalai la pa lar kes taum, arlar ana lolosla ning la tungtugus taum. Pa a kidol a palaona i gomo, larning e God i mang suri.