Jon 9:4 - Label

⁴ Ning kanet i kabakiar, i wakak sur dalar tol a titolla anun esaning i sune iau ute. Ning kar morom, bel ma tik ir titol.

Jon 9:4 Referans Kwoze

Jon 12:35

E Iesu i atai la mange, “A talapor bel ir kes kol ma napirimulo. Mulor taltal ning a talapor kanet, lamur a mormorom ir poroi alar mulo. Esining ir taltal ana mormorom bel ir tasmani mang ir han utaha.

Epeses 5:16

Ana pukakiarla rop, ning i langolango sur mulor apuasa anumulo a tortorot, mulor toli, anasa a pukakiarla ne, a laulau a pukakiarla.

Jon 4:34

E Iesu i atai la mange, “Aka utna na hangan ine, ar mur a nemnem ane si ning i sune iau ute, pa ar tol arop anuna titol.

Galesia 6:10

Ning dala tolsot pasi sur dalar tol a wakak a titol tetek tik, i wakak sur dalar toli. Dalar tol a wakak a titol nigo tetek a tena tortorotla, pa lamur tetek a tarai masik otleng.

Jon 17:4

Ia ka asangan tar a matatarim te na rakrakan hanua, ana titolla ning u sune iau ono pa ia ka tol arop tari.

Kolosi 4:5

Mulor titol taum ana tastasman tetek a tarai ning bel la tortorot, pa ana pukakiarla rop, ning i langolango sur mulor atatai tetek la, mulor toli.

Jon 5:36

“Ika ar atongi tetek mulo ana warwara talapor hok ning i itna tana warwara talapor ane Jon. A titolla ning a sira toli, la warwara talapor hok. Anasa a titolla ning e Tata i sarani tak sur ar tol asoti, i asangani mang i sune iau ute.

Jon 10:32

E Iesu i atai la mange, “Ia ka asangan tar a galis a ututnala na kulkulan namatamulo, ning e Tata i saran tari tak sur ar toli. Esi na utna ana ututnala ne ning mulo mang sur mulor wolot iau onoi?”

Jon 10:37

Ning bel a tol a titolla ane Tata, io, gong mulo tortorot hok.

Aposel 4:20

Ika miau, bel miar sairas lar pas miau ana warwara ona ututnala ning mila ka oroi tari, pa mila ka longor tari.”

Jon 5:19

E Iesu i keles la mange, “A atong momoli ta mulo, a Nat e God bel ir tol ta utna ana nuna nemnem ot, i tol ka asaning i oroi e Tamana i toli. Anasa asaning e Tamana i toli, e Natnalik otleng ir toli.

Jon 7:33

Pa e Iesu i atai la mange, “Bel ar kes bongnan iau napirimulo, ar han ulak tetek esaning i sune iau ute.

Matiu 20:7

La kelesi mang, ‘Bel tik i ben mila sur ta titol.’ I atai la mang, ‘Mulo otleng mulor han pa mulor titol ting na nuk a barim a wain.’

A Wakak a Warwara o e Iesu Karisito i tumusi 3:3

Pa i atai a barsan ning a kuna i del mang, “Ur tur te lanigo tanla rop.”