Jon 7:4 - Label

⁴ Ning tik i mang sur a tarai lar tasmani, bel i sira tol kumnan a ututnala. Ning u sira tol a ututnala ne, i wakak ning ur tol talapori sur a taraila ana rakrakan hanua rop lar tasman u!”

Jon 7:4 Referans Kwoze

Jon 18:20

E Iesu i kelesi mange, “Ia ka warwara talapor namatana taraila rop, pa a sira asaer la ting na rumai lotula pa ting na rumai a artabar ning a tarai Juda la sira han taum tingia. Bel a atong kumnan tar ta utna.

Luk 6:45

A wakak a barsan i asangan anuna wakak a toltol ning kaning na balana, pa a laulau a barsan otleng i asangan anuna toltol laulau ning kaning na balana. Anasa a pahana tarai i atong puasa a toltol ning i bukus ting na balanla.

Matiu 23:5

Anunla na titol rop, la toli ka, sur a tarai lar oroi la. Mulo sira akas tar a dingla na warwara na Buk Tabu ting na nanatar a boksla, pa mulo doti ting na patarimulola. Ika a Parisaiola, anunla na nanatar a boksla i palar kol. Pa mulo sira dot a kulola ting na sinir ana numulo a kaen a nunung. Ika a Parisaiola, anunla a kulola i barah kol.

Matiu 6:5

“Ning mulor nunung, gong mulo arlar ana tena asasongola. La mang kol sur lar tur pa lar nunung ting na rumai lotu, pa ting na pukpuknala ning a tarai la hanan taum tingia, sur a tarai lar oroi la pa lar atong aitna pas la. A atong momoli ta mulo, ning a tarai la aitna pas la, i ot ning anunla a kidol a arlou.

Matiu 6:16

“Ning mulor tamai sur mulor nunung, gong mulo tai arlar ana tena asasongola, anasa la tai na bal maris sur a tarai lar oroi i mang la tamai. A atong momoli ta mulo, ning a tarai la aitna pas la, i ot ning anunla a kidol a arlou.

Matiu 4:6

Pa i atongi tana mang, “Ning u a Nat e God, ur sirok purum, anasa di ka tumus tari ting na Buk Tabu mang, ‘Ir sune anuna angelola sur lar tai alar u. Lar tong pas u ana kunla, sur gong u buh a ham ana ta hat.’” Buk Song 91:11-12

Jon 7:3

na tastasna e Iesu la atai i mange, “I wakak sur ur kamtur mite pa ur han usaot e Judia sur anuma kakak a asaer lar oroi a ututna na kulkulan ning ur toli.

Jon 7:5

Na tastasna la warwara larne, anasa la otleng bel la tortorot onoi.