Jon 6:53 - Label

⁵³ Pa e Iesu i atai la mange, “A atong momoli ta mulo, ning bel mulor ien a palaona Nat a Barsan pa bel mulor gang a sulukna, belal lalaun momol ir kes o mulo.

Jon 6:53 Referans Kwoze

1 Jon 5:12

Esining a Nat e God i laun onoi, ka kibas a lalaun. Pa esining a Nat e God bel i laun onoi, bel i kibas a lalaun.

Jon 6:55

Anasa a palaok a utna na hangan momol, pa a sulukik a malum a gang momol.

Jon 15:4

Mulor patap hok, pa iau ar patap o mulo. Bel mulor wai ning bel mulo patap hok, arlar ana rak a wain, bel ir wai oros ka ning bel i patap ana rakaina.

Jon 6:47

A atong momoli ta mulo, esining i tortorot hok, ka kibas a lalaun tikin.

Jon 3:3

E Iesu i kelesi mange, “A atong momoli tam, ning tik bel di agon tona pasi, bel ir tol sot sur ir oroi a matanitu ane God.”

Tatatai 2:17

Esining a talngana kaning, i wakak sur ir longor a warwara ning a Talngan Tabu i atongi tetek a lotula. Esining i tolsot pas a harum, ar tabari on ta mana ning i kes kumna. Pa ar saran tar otleng a kokok a hat di ka tumus tar a tona rising ono, ning bel tik i tasmani. I sot ka, ning ar saran tar a hat ne tana ir tasmani.

Jon 3:36

Esining i tortorot ona Nat e God i kibas a lalaun tikin. Ika esining i pilak sen e Natnalik, bel ir kibas a lalaun, anasa a balanakut ane God ka kes tar onoi.”

Matiu 18:3

pa i atongi mang, “A atong momoli ta mulo, ning bel mulor lingir a nuknukimulo sur mulor arlar ana kakakla, bel mulor tolsot pasi sur mulor kas ana matanitu misaot na langit.

Jon 3:5

E Iesu i kelesi mange, “A atong momoli tam, esining bel di agon tona pasi ana malum pa ana Talngan Tabu, bel ir tol sot sur ir kas ting na matanitu ane God.

Luk 13:5

Bel! Ika a atai mulo, ning bel mulo lingir a nuknukim mulo kusun anumulo na toltol laulaula, mulo otleng mulor hirua.”

Luk 13:3

Bel! Ika a atai mulo, ning bel mulo lingir a nuknukim mulo kusun anumulo na toltol laulaula, mulo otleng mulor hirua rop.

Jon 13:8

E Pita i atongi mange, “Gong! Gong u gos naur a hak.” E Iesu i kelesi mange, “Ning bel ar gos naur a ham, u bel tagun iau.”

Matiu 5:18

A atong momoli ta mulo, bel ta natar a tumtumus lik o ta akinalang lik tagun a warkuraila ne ir rarop, tuk ning a bakut pa rakrakan hanua diar rarop. A warkuraila lar kes ot, tuk ning dir tolsot pasi.

Tatatai 2:7

Esining a talngana kaning, i wakak sur ir longor a warwara ning a Talngan Tabu i atongi tetek a lotula. Esining i tolsot pas a harum, ar malmaling pasi suir hangan miting na rakai a lalaun, ning kaning na Paradais ane God.

Matiu 8:20

Pa e Iesu i atongi tana mang, “A rokoio na papla anunla na tungla ot, pa a manila otleng anunla na pios ot, ika a Nat a Barsan bel anuna ta rumai sur ir borbor onoi.”

Jon 6:51

Iau a bret a lalauna, ning i han purum misaot na langit. Tik ning ir hangan tagun a bret ne, ir laun tikin. A bret ning ar artabar ono, a palaok. A sarani sur a taraila ana rakrakan hanua lar kibas lalaun onoi.”

Jon 6:62

Ir mangmangasa tetek mulo ning mulor oroi a Nat a Barsan ir ulak usaot sur a hanua ning nating ka kes pas ano?