Jon 6:35 - Label

³⁵ E Iesu i atai la mange, “Iau a bret na lalaun. Esila ning lar han tetek iau, bel lar murak, pa esila ning lar tortorot hok, bel lar mos ulak.

Jon 6:35 Referans Kwoze

Tatatai 22:17

A Talngan Tabu pa tona tinaulai, a hane, dia atongi mang, “Han ute!” Pa esining i longori, i otleng ir mang, “Han ute!” Esining i mos, i wakak sur ir han ute, pa esining i mang suri, ir gang a malum a lalaun ning bel di sira lou i.

Jon 6:41

Dingla na Juda la ururai o e Iesu, anasa i atongi mange, “Iau a bret ning i han purum misaot na langit.”

Tatatai 7:16

Bel lar murak, pa bel lar mos ulak ma. Pa a kamis bel ir alaulau la, pa bel ta utna otleng ir rang sakan la.

Jon 6:37

La rop ning e Tata i saran tar la tak, lar han tetek iau, pa esining ir han tetek iau, bel ar kepseni, belal.

Matiu 11:28

“Mulo rop ning mulo palaona ngorngoro pa a mamahatla i monong mulo, mulor han tetek iau, sur ar amanah mulo.

Luk 6:25

Ir laulau tetek mulo ning mulo masur onone, anasa lamur mulor murak. Ir laulau tetek mulo ning mulo langlagar onone, anasa lamur mulor bal maris pa mulor domos.

Jon 6:65

Pa i atongi otleng mange, “Ine a kamkamna ning a atai mulo mang bel tik ir han lar pasi tetek iau. Ika, ning ot e Tata ir sarani tetek iau, io, ir han tetek iau.”

Jon 5:40

Ika bel mulo mang sur mulor han tetek iau, sur mulor kibas a lalaun.

Jon 4:15

A hane i atai i mange, “Leklek, tabar iau ana malum ning, sur gong ma a mos ulak, pa gong ma a han ute sur ar ituh.”