Jon 6:15 - Label

¹⁵ Ning e Iesu i tasmani mang la mang sur lar han teteki sur lar angongosi sur ir king, io, i han masik kusun la usaot ana ning a mangir.

Jon 6:15 Referans Kwoze

Jon 18:36

E Iesu i kelesi mange, “Anuk a matanitu bel mite na rakrakan hanua. Ngandek ning anuka matanitu mite na rakrakan hanua, anuk na tena titolla lar harum alar iau kusun a warkurai anuna tarai Juda. Ika anuka matanitu bel mite.”

Luk 19:38

“A king ning i hanot ana risan a Leklek i angis! Buk Song 118:26 A bal molmol usaot na langit, pa a matatar usaot tetek e God!”

A Wakak a Warwara o e Iesu Karisito i tumusi 11:9

La ning la nigo pa la ning la mur, la kukuk mange, “Hosana! Esaning i hanot ana risan a Leklek i angis.’” Buk Song 118:25-26

Hibru 4:13

Pa bel ta utna ning e God ka akes tari ning i mumun kusun a matana. A ututnala rop i tur langolango pa i talapor rop ka ana matana. Pa lamur dalar tur namatana pa dalar atong puasa a ututnala rop ning dala ka tol tari.

Jon 5:41

“Bel a mang sur a tarai lar atong aleklek iau.

Jon 6:3

E Iesu i han kas usaot ana mangir, pa i kes taum ana nuna kakak a asaerla.

Matiu 5:1

E Iesu i oroi pas a kunum a tarai, pa i han kas ting na mangir, pa i kes. Anun a tarai a asaer la han teteki.

Jon 6:22

Ana ning a pukakiar lamur, a kunum a taraila ning la kes tumo na ris a puka tasi, la tasmani mang ning a mon ka i kes tingia. Pa la tasmani mang a kakak a asaerla ka la han, e Iesu bel i kas taum onla.