Jon 4:48 - Label

⁴⁸ E Iesu i atai i mange, “Ning bel mulo oroi al ututna na kulkulan pa al akinalang, bel mulor tortorot.”

Jon 4:48 Referans Kwoze

Jon 20:29

E Iesu i atai i mange, “U bot tortorot anasa u oroi iau. La ning bel la oroi iau pa la tortorot, la angis.”

Hibru 2:4

E God i tol a akinalangla pa a ututnala na kulkulan, pa na rakrakai a titol, pa i artabar sarara ana artabarla anuna Talngan Tabu arlar ot ana nuknukna. Ana nuna titolla ning, i apuasa i mang anuna titol na alaun a tarai i momol.

1 Korin 1:22

A tarai Juda la mang sur lar oroi al akinalang, pa a tarai Grik la tai sur ta tastasim.

Aposel 2:22

“A tarai Israel, mulor longor iau. Ar atai mulo o e Iesu, a te Nasaret. Mulo ot mulo tasmani mang ana rakrakai e God, i tol a ututnala na kulkulan, pa rakrakai a titolla pa akinalangla. I toli na arpotor ta mulo, sur e God ir asangani tetek mulo mang i ot i sune seni.

Jon 12:37

E Iesu ka tol tar a galis a akinalang namatanla, ika bel la tortorot onoi,

2 Korin 12:12

Ning a kes napirimulo, a amomol tar iau na matamulo mang iau a aposel momol. A tol na rakrakai a ututnala, a ututnala na kulkulan pa a akinalangla pa bel a ngoro ning a kilang a mamahatla.

A Pas ane Pol tetek a tarai Rom 15:19

La oroi a rakrakai ana akinalangla pa a ututnala na kulkulan ning a toli ana rakrakai a Talngan Tabu. Manglarning misaot e Jerusalem tuk to e Ilirikum ia ka warawai rop pas tingia ana Wakak a Warwara ane Karisito.

Aposel 14:3

E Pol pa e Barnabas dia kes bongnandiau tumo e Ikonion, pa bel dia matmataut, dia rakrakai ana warwara ana risana Leklek. Pa a Leklek i amomol tar anundia na warwara ana nuna tnan marmaris ning i saran a rakrakai tan diau sur diar tol a ututnala na kulkulan, pa akinalangla.

A Wakak a Warwara o e Iesu Karisito i tumusi 13:22

Anasa al tena asasongo na Karisito, pa tena asasongo na propetla lar hanot, lar tol al akinalang pa al utnala na kulkulan sur lar asongo a taraila ning e God i aslang pas la, ngandek lar tolsot onla.

Matiu 24:24

Anasa al asasongo na Karisito, pa al asasongo na propet lar hanot. Lar tol al tatatnan akinalang pa al ututna na kulkulan sur lar asongo pas a tarai ning e God ka aslang pas la, ning ot lar tolsot pasi.

Aposel 2:43

A aposella la tol a galis a utna na kulkulan, pa galis a akinalang otleng, pa a taraila rop la hanrawai e God.

Jon 2:18

A tarai Juda la hanot ulak tetek e Iesu pa la dekeni mange, “Esi na akinalang ur asangan mila ono, sur milar tasmani mang e God i sune u sur ur tol a ututnala ne?”

Luk 16:31

Pa e Abaram i kelesi mang, ‘Ning bel la longor e Moses pa a propetla, bel tik otleng, ning ir kamtur kusun a minat ir atur lar pas anunla tortorot.’”

2 Tesalonika 2:9

A barsan na kutus warkurai ir hanot taum ana rakrakai e Satan, pa ir asangan a galis a asasongo na utna na kulkulan, pa a galis a asasongo na rakrakai a titol, pa a galis a asasongo na akinalang.

Aposel 15:12

Pa tarai rop ning la kes taum, la kes longoroi, ning la longor e Pol pa e Barnabas, dia warwara ana asilangla taum ana ututna na kulkulan dia toli ana rakrakai ane God tetek a taraila ning bel a tarai Juda.

Aposel 7:36

E Moses i nigon purum la mitimo e Ijip, i tol a ututnala na kulkulan, pa a asilangla tumo e Ijip pa tumo ana Tasi Kubar, pa ting na hanua bel otleng, arlar ona diat a bonot a rau.

Aposel 6:8

E Stiwen i bukus ana rakrakai taum ana marmaris ane God, pa i tol a tatatnan utna na kulkulanla, taum ana akinalangla na arpotor a taraila.

Aposel 5:12

A aposella la tol a galis a akinalang pa galis a utna na kulkulan tana taraila. Pa a tena tortorotla rop la sira kes taum ting na parada na rumai a artabar ning di atongi mang a Parada ane Solomon.

Aposel 4:30

Pa ur nangan mila ana rakrakaim sur a tinsamanla lar langolango, a ututna na kulkulan pa a akinalang lar hanot ana risana e Iesu anuma Tohtoh a Tena Titol.”

Aposel 2:19

Par asangan a ututnala na kulkulan saot na langit, pa akinalangla te lapiu na rakrakan hanua, lar a suluk, a iah, pa a tnan sasawan.

Jon 15:24

Ia ka tol tar a titolla ning bel tik i tolsot tari. Ngandek ning bel ar tol tar al titol tanla, bel dir arup la ana nunla na toltol laulaula pa lar langolango. Pa ine, la ka oroi tar a titolla a toli, ika la nget mia rop ma e Tata.

Luk 10:18

Pa e Iesu i atai la mang, “A oroi e Satan i punga misaot na langit arlar ana pil.

Matiu 27:42

“I alaun pas a tarai masik, ika bel ir tolsot sur ir alaun pasi. Ning i a King anuna tarai Israel, ono otne ir purum kusun a rakai kutus pa dalar tortorot ono.

Matiu 16:1

A Parisaiola pa a Sadusila la han tetek e Iesu pa la tohi. La nunungi sur ir tol ta akinalang namatanla, sur ir asangani mang i misaot na langit.

Jon 4:49

A ningnigo anuna matanitu i atai i mange, “Leklek, dar han kapit sakana natuklik ir mat!”