Jon 4:14 - Label

¹⁴ Ika esining ir gang a malum ning ar tabari ono, bel ir mos ulak. A malum ning ar tabari ono, i arlar ana matmatana malum ana nuna lalaun, ning ir burburak ot, pa ir tabari ana lalaun tikin.”

Jon 4:14 Referans Kwoze

Jon 6:35

E Iesu i atai la mange, “Iau a bret na lalaun. Esila ning lar han tetek iau, bel lar murak, pa esila ning lar tortorot hok, bel lar mos ulak.

Tatatai 7:16

Bel lar murak, pa bel lar mos ulak ma. Pa a kamis bel ir alaulau la, pa bel ta utna otleng ir rang sakan la.

Jon 11:26

pa esining i laun pa i tortorot hok, bel ir mat. U tortorot ot ana warwara ne?”

Jon 6:58

A bret ning i han misaot na langit ine. Bel i arlar ana mana ning a tumtubumulola nating la ieni, pa la ka mat. Ika esining ir hangan tagun a bret ne, ir laun tikin.”

1 Jon 5:20

Dala tasmani otleng mang a Nat e God ka hanot, pa ka tabar tar dala ana tastasman, sur dalar tasman a momol a God. Dala laun ana momol a God, anasa dala laun ana Natnalik e Iesu Karisito. I a momol a God, pa lalaun tikin.

2 Korin 1:22

i suah tar anuna akinalang ondala sur ir talapor mang dala anunai ot. Pa i akes a Inguna te na balandala arlar ana akinalang ning i asangani mang lamur dalar kibas a ututnala ning e God ka sang tari sur dala.

A Pas ane Pol tetek a tarai Rom 6:23

Anasa a arlou ana toltol laulau a minat. Ika a artabar ane God a lalaun tikin o e Karisito Iesu anundala Leklek.

1 Pita 1:22

Pa onone, ning mulo ka longor ana momol a warwara, mulo ka totoh, sur mulor mang momol sur na tastasimulo ana tortorot. Larning mulor mang artalai sur mulo ana marmaris momol ting na balamulo.

Jon 10:10

A tena kinkinau i hanot ka sur ir kinkinau, pa ir umkol a sipsipla pa ir alaulau la. Ika iau, a hanot sur lar kibas a lalaun, a lalaun ning i bukus ana wakakna.

Epeses 4:30

Pa gong mulo abal maris a Totoh a Inguna e God, a akinalang ning e God ka aslang tar mulo onoi mang mulo anunai, sur a pukakiar ning e God ir alangolango mulo.

A Pas ane Pol tetek a tarai Rom 5:21

A tarai rop la kes nahai a rakrakai ana toltol laulau, pa i saran a minat tetek la. Ika onone, la ning la kes nahai a rakrakai ana marmaris ane God, e God i atong la mang la tostos namatana, pa i saran a lalaun tikin tetek la, anasa ana tostos a titol ning e Iesu Karisito anundala Leklek i tol tari.

Matiu 25:46

Lamur lar han sur a akadik tikin. Ika a tena tostosla lar han sur a lalaun tikin.”

Matiu 5:6

La ning la murak pa la mos sur a tostos a toltol, la angis, anasa lamur lar masur.

Jon 4:10

Ika e Iesu i kelesi mange, “Ning u tasman a artabar ane God, pa u tasman otleng esaning i nunung u sur al malum, ur nunungi, pa ir tabar u ana malum a lalaun.”

Jon 4:11

A hane i atai i mange, “Leklek, bel ta itituh anumi, sur ur ituh al malum ono, pa a tius otleng i kes purumkol. Mitaha a malum a lalaun ning?

Jon 4:13

E Iesu i kelesi mange, “La rop ning la gang a malum ne, lar mos ulak ka.

Jon 4:36

A tena sol ning i sol a utna na hangan, i los arlou ono. Pa utna ning i sol pasi, i a tarai ning la kibas a lalaun tikin. Pa a tena omomai pa a tena sol, diar gas taum.

Jon 6:27

Gong mulo rakrakai ka sur a utna na hangan ning i sira marase. Mulor rakrakai sur a utna ning ir kes sur a lalaun tikin, ning a Nat a Barsan ir tabar mulo ono. Anasa e God e Tata ka saran tar a rakrakai tak sur ar toli larne.”

Jon 7:37

Ana ararop a pukakiar tagun a Lotu na Palturturup, a pukakiar ning i ngangaten, e Iesu i tur pa i warwara kol mange, “Ning tik ir mos, i wakak sur ir han tetek iau pa ar agangi.

Tatatai 7:17

Anasa a Nat na sipsip ning i kes na arpotor a keskes a king, ir hanot anunla a tena tai alar. Ir nigon la sur na matmatana malum a lalaun. Pa e God ir sah sen na luru matanla rop.”