Jon 3:19 - Label

¹⁹ Ine a kamkama warkurai ning e God i sarani: A talapor ka hanot ana rakrakan hanua, ika a tarai la mang ka sur a mormorom pa a talapor bel, anasa anunla toltol i laulau kol.

Jon 3:19 Referans Kwoze

Jon 8:12

E Iesu i warwara ulak tetek a taraila, pa i atongi mange, “Iau a talapor anuna rakrakan hanua. Esining i mur iau, bel ir han ting na mormorom, ika ir kibas a talapor ana lalaun.”

2 Tesalonika 2:12

Manglarning, la rop ning bel la tortorot ana momolna pa la gas ka ana toltol laulau, lar hirua ana warkurai ane God.

A Pas ane Pol tetek a tarai Rom 2:8

Ika tetek la ning la sira aitna pas la ot, pa bel la mur a momol a warwara ane God, pa la mur ka a toltol laulau, e God ir balakut tetek la pa ir balana kut tetek la.

Jon 12:43

Bel la warwara talapor onoi anasa la mang kol sur a tarai lar aleklek la, pa bel la nuk pas a warwara gasgas ane God tetek la.

A Pas ane Pol tetek a tarai Rom 1:32

A ngas a tarai larne, la tasman ot a warkurai ane God, mang la ning la sira tol a ututnala ne, i sot sur lar mat. Ika la toli ka, pa la malmaling sur a tarai masik otleng lar toli.

Jon 5:44

Mulo mang kol sur a tarai lar atong aleklek pas mulo, pa bel mulo rakrakai sur e God ir atong aleklek mulo, e God i ning takai sot ka. Ning i manglarning, bel mulo tortorot hok.

2 Pita 3:3

A ningnigo na utna, mulor tasmani mang, ana ararop a pukakiarla, dingla na tena morot lar hanot pa lar muri ka na laulau a nuknukinla. Lar morot laulau,

Jon 1:4

A lalaun i kes onoi, pa a lalaun ning, i a talapor anuna taraila rop.

Luk 12:47

“A tena titol ning ka tasman tar a nuknuk a leklek anunai, ika bel i sang, pa bel i titol arlar ana nuknuk a leklek anunai, dir miras koli.

1 Pita 2:8

“A hat ning, a tarai lar buh a hanla onoi, pa lar punga onoi.” Ais 8:14 La buh a hanla onoi, anasa bel la longor ana warwara ane God. Ning la toli larning, anuna warwara ning ka atong tari nating i sot onla.

Jon 7:7

A taraila ana rakrakan hanua bel lar nget mulo, ika la nget iau, anasa a atai la ana nunla na toltol laulaula.

Jon 7:17

Ning tik i mang sur ir mur a nuknukna e God, ir tasman lalani, mang anuka asasaer ne ta e God, o tagun a nuknukik ka.

Luk 16:14

A Parisaiola la longor a warwarala ne, pa la morot o e Iesu, anasa la mang sur a mani.

Jon 1:5

A talapor i atalapor ana mormorom, pa a mormorom bel i tolsot pasi.

Jon 9:5

Ning a kes te na rakrakan hanua, iau a talapor anuna rakrakan hanua.”

Jon 12:31

Onone ka taem sur dir warkurai a rakrakan hanua, pa dir alulu sen e Satan, a ningnigo tagun a rakrakan hanua.

Jon 12:46

A hanot ute na rakrakan hanua lar a talapor, sur esining i tortorot hok, bel ir kes ana mormorom.