Jon 20:17 - Label

¹⁷ E Iesu i atai i mange, “Gong u tong a palaok, anasa belot a han kas usaot tetek e Tata. Ika ur han tetek na tastasikla, pa ur atai la mang, ar han usaot tetek e Tata pa e Tamamulo, tetek anuka God pa anumulo a God.”

Jon 20:17 Referans Kwoze

Jon 16:28

Ia ka han pas miting ta e Tata, pa a han ute na rakrakan hanua. Pa ne, ar han ma kusun a rakrakan hanua, ar ulak tetek e Tata.”

1 Pita 1:3

Dalar atong aleklek pas e God, a Taman anundala Leklek e Iesu Karisito. Ana nun a tnan marmaris, i agon tona pas dala. I maining dala harnanai ana tortorot sur a lalaun tikin, anasa e Iesu Karisito i kamtur ulak kusun a minat,

Galesia 3:26

Onone mulo rop a natnat e God, anasa mulo tortorot o e Karisito Iesu.

Jon 17:11

Onone ar han tetek u, bel ma ar kes te na rakrakan hanua, ika la, kanet na rakrakan hanua. Tata u ka masik, ur tai alar la ana rakrakai a risam, a risam ning u sarani tak. Ur tai alar la sur lar takai ka, larning u pa iau, dau takai ka.

1 Jon 3:2

Na halalik, onone dala na natnat e God, pa belot di atalapor dala mang lamur dalar mangmangasa. Ika dala tasmani mang, lamur ning e Iesu ir hanot, dalar arlar onoi, anasa dalar bot oroi momoli.

Jon 14:6

E Iesu i kelesi mange, “Iau a ngas, pa iau a momolna, pa iau a lalaun. Bel tik ir han tetek e Tata ana ta ngas masik, hok ka.

A Wakak a Warwara o e Iesu Karisito i tumusi 16:19

Ning a Leklek e Iesu ka warwara tar tanla, e God i rakan pasi usaot na langit, pa i kes ana sot a kuna.

Tatatai 21:3

Pa a longor a tnan elngen takai misaot ana keskes a king i atongi mang, “Oroi, a hanua ane God ka kes taum ona tarai. I ot ir kes taum on la, pa lar hanot anuna tarai. E God ir kes taum on la, pa ir hanot anunla God.

2 Korin 6:18

A Leklek ning i rakrakai kol i atongi mang, “Ar hanot a Tamamulo, pa mulo na natnatukla, a taraila pa a gurarala.” 2 Sam 7:14

A Pas ane Pol tetek a tarai Rom 8:29

Lanigo ot e God ka tasman tar la ning anuna tarai. Pa ka aslang pas la otleng nating ot, sur lar hanot arlar o e Natnalik, sur i a ningnigo tana galis a tastasnala.

Jon 17:25

Tata, u tostos, a taraila te na rakrakan hanua bel la tasman u, ika iau, a tasman u, pa anuk na tarai a asasaer la tasmani mang u sune iau ute.

Matiu 28:7

Lamur mur han kapit, pa mur atai anuna kakak a asaerla mang, ‘I ka kamtur ulak kusun a minat. Onone ir nigo utumo e Galili. Mulor oroi i tumo.’ Oroi, ia ka atai mu onoi.”

Matiu 12:50

Anasa esining i sira mur a nuknuk e Tata ning i kes saot na langit, i ka ning a tasik barsan, pa a tasik hane, pa e nang.”

Tatatai 21:7

Esining ir tolsot pas a harum, ir kibas pas a ututnala rop ne, pa iau ar God anunai, pa ir hanot a natuklik.

Hibru 8:10

A Leklek i atongi larne: A kunubus ning ar toli taum ana tarai Israel, ana pukakiarla lamur, i mange: Ar suah tar anuka warkuraila ting na nuknukinla, pa ar tumus tari uting na balanla. Pa iau a God anunla, pa la anuka tarai.

Jon 20:27

Lamur i atai e Tomas mange, “Subaran a pitlai kum ute, pa ur oroi naur a kuk. Atostos a kum ute, pa ur subarani ana kabarangragaik. Pa gong ma u urmatana nuknuk, ur tortorot ka.”

Jon 17:5

Tata, onone, ning ar kes taum ulak hom, ur saran a matatar tak. A matatar ning nating kane hok pa kaning hom, ning belot di akes a rakrakan hanua.

Jon 14:28

“Mulo ka longor tar asaning ia ka atong tari mang, ‘Ar han pas pa ar ulak tetek mulo.’ Ning mulo mang sur iau, mulor gas mang ar han tetek e Tata, anasa i leklek tak.

Jon 14:2

Ting na rumai ane Tata, a galis a rum. Ning bel, ar atai mulo otleng ono. Ar han sur ar sang tar a pukna sur mulo.

Jon 13:3

E Iesu i tasmani mang e Tamana ka saran arop tar a ututnala rop nakuna, pa i tasmani mang i hanot ot tagun e God, pa ir ulak tetek e God.

Jon 13:1

Ning ka milau a lotu na Han Lakai, e Iesu ka tasmani mang ka milau sur ir han kusun a rakrakan hanua, pa ir han tetek e Tamana. I maris kol anuna taraila ning la kes te na rakrakan hanua, pa ine i asangan anuna tnan marmaris tetek la, a marmaris ning bel ta araropna.

Jon 7:33

Pa e Iesu i atai la mange, “Bel ar kes bongnan iau napirimulo, ar han ulak tetek esaning i sune iau ute.

Luk 10:4

Gong mulo los ta paus na suah mani, gong ta rat, pa gong ta su. Gong otleng mulo awara tar tik ning mulor arpastek ting na ngas.

Matiu 25:40

“A king ir keles la mang, ‘A atong momoli ta mulo, asaning mulo toli tetek ta barsan oros ka tagun a tastasikla ne, mulo toli hok.’

Hibru 11:16

Ika a nuknukinla sur a hanua saot na langit, a hanua ning i wakak tana hanua ning la ka han kusun tari. I maining e God bel i meme sur lar atongi mang ai anunla God, anasa ka sang tar a hanua sur la.

A Wakak a Warwara o e Iesu Karisito i tumusi 12:26

Ning mulo puai mang a minatla bel lar laun ulak kusun a minat, mangmangasa belot mulo was a Buk ane Moses ning i warwara ana rakai ning i sot? E God i atongi tetek e Moses mange, ‘Iau a God ane Abaram, a God ane Aisak pa a God ane Jekop.’ Kisim Bek 3:6