Jon 2:22 - Label

²² Lamur ning e Iesu ka laun ulak kusun a minat, anuna kakak a asaerla la nuk pas a warwara ne. Pa la bot tortorot ana Buk Tabu, pa ana warwara ning e Iesu ka atong tari.

Jon 2:22 Referans Kwoze

Jon 12:16

A kakak a asaerla ane Iesu bel la tasmani mang a ututnala ning di ka tumus nigon tari ting na Buk Tabu. Ika ning e Iesu ka kes ana nuna matatar, io, la bot nuk lalani mang di ka tumus tar a ututnala ne o e Iesu, pa di ka tol tar a ututnala ne onoi.

Jon 16:4

A atai tar mulo ana warwarala ne, sur ning a taem ir hanot, mulor tasmani mang ia ka atumarang nigon tar mulo. Ana kamkama nuka titol, bel a atai tar mulo ana warwarala ne, anasa kanet a kes taum o mulo.

Jon 14:26

A Tena Arnangai, a Talngan Tabu, ning e Tata ir sune i ana risak, ir asaer mulo ana ututnala rop, pa ir anuknuk mulo ana warwarala ning ia ka atai tar mulo ono.

Jon 2:17

Anuna kakak a asaer la nuk pas a warwara ting na Buk Tabu mange, “A tnan nuknukik sur anuma rumai i arlar ana iah ning i ien iau.” Buk Song 69:9

Aposel 11:16

Pa a nuk pas a warwara anuna Leklek, ning i atongi mange, ‘E Jon i baptais ana malum, pa lamur dir baptais mulo ana Talngan Tabu.’

Jon 2:11

Ine a ningnigo na akinalang ning e Iesu i toli. I toli tumo e Kana ana papar Galili. A akinalang ne i asangan ot anuna matatar, pa anuna kakak a asaer la tortorot ono.

Luk 24:44

Pa i atongi tanla, “Ning a kes ot taum mulo, ia ka atong tar a warwara ne tetek mulo mang: A ututnala rop ning di ka tumus tari hok, ana warkuraila ane Moses, ana warwara anuna propetla pa ana Saksakla dir tolsot pasi.”

Luk 24:26

La atongi mang a Karisito ir kilang a kankanla ne, pa lamur ir kas ana nuna matatar.”

Jon 2:2

Di nunung e Iesu taum ana nuna kakak a asaerla sur lar han ana ngasa ana tona tintaulai.

Aposel 13:33

onone ka tolsot pasi tetek dala, na tumtubunla, ning i akamtur ulak pas e Iesu. Larning di ka tumus tari ana areur a Saksak mange, ‘U a Natuklik, onone iau e Tamam.’ Buk Song 2:7