Jon 17:17 - Label

¹⁷ Anum a warwara i momol. Ur atotoh la ana num a momolna sur la anumi.

Jon 17:17 Referans Kwoze

Jon 15:3

Mulo ka toh kamna ana warwara ning ia ka atong tari ta mulo.

Epeses 5:26

sur la anuna tarai momol. Pa i gos totoh la ana malum pa anuna warwara.

Jon 17:19

A saran tar iau tam, sur la otleng anuma tarai momol, ana num a momolna.

Jon 8:32

Pa mulor tasman a momolna, pa a momolna ir alangolango mulo.”

Jems 1:21

Mulor manah kusun a dur a toltol pa na toltol laulau ning kane i bukus te na rakrakan hanua. Pa mulor anatarna pas mulo ning mulo kibas a warwara ning di ka oman tari ting na balamulo, a warwara ane God ning ir alaun lar pas mulo.

2 Tesalonika 2:13

Na tastasimitol, mulo ning a Leklek i maris mulo, i wakak ning mitol sira atong wakak tetek e God o mulo, anasa e God ka aslang pas mulo miting na kamkamna sur ir alaun mulo. I alaun pas mulo ning a Talngan Tabu i atotoh pas mulo pa mulo tortorot ana momolna.

Epeses 4:21

A tasmani mang di ka asaer tar mulo o e Iesu pa mulo ka longor pasi, pa mulo tasman a momolna ning i kes onoi.

Luk 8:15

Ika patnala ning la punga ting na wakak a piu, la arlar ana tarai ning a balanla i wakak pa i tostos. La longor a warwara, la tong rakrakai i, pa la tur rakrakai, tuk ning lar wai.

2 Korin 3:18

Pa dala, ning bel di poroi alar a matandala ana ta diah kaen, dala apuasa a matatar ana Leklek. Pa anundala na lalaun i talingir amon sur dalar arlar o e Karisito, pa anuna matatar ir itna amon ting na nundala a lalaun. A matatar ne, tana Leklek ot, esaning a Inguna.

Aposel 15:9

Bel i purpurngis ondala, anasa i atotoh la otleng ning la tortorot.

Luk 8:11

“A kamkama warwara larlar ne i mange, a pat a wit i arlar ana warwara ane God.

Jon 8:40

Mulo mang sur mulor umkol iau, anasa a atai mulo ana momolna ning a longori ta e God. E Abaram bel i tol ta utna larne.