Jon 17:13 - Label

¹³ “Onone ar han tetek u, ika a atong a warwarala ne ning kanet a kes te na rakrakan hanua, sur anuka tnan gasgas ir bukus ting na nunla lalaun.

Jon 17:13 Referans Kwoze

Hibru 12:2

Dalar tai tostos sur e Iesu, esaning i nigon dala ana toltol na tortorot, pa esaning ir agomo pas anundala tortorot tuk ir kidol. E Iesu i mat saot na rakai kutus, a utna na meme momol. Ika bel i nuk pas a meme ning, i saran tar i ot sur ir kilang kankan pa ir mat saot na rakai kutus, anasa i tasmani mang lamur ir kibas a tnan gasgas. Pa onone ka kes ting na ris a sot na keskes a king ane God.

Galesia 5:22

Ika, a wana Talngan Tabu ine la: A marmaris, a gasgas, a bal molmol, a kes wowon, a harnangai tetek tik masik, a wakak a toltol, a momol a toltol tetek tik,

Jon 15:11

“A atong a warwarala ne ta mulo, sur anuka gasgas ir kes o mulo, pa anumulo a gasgas ir bukus momol.

Jon 3:29

A barsan ning i taulai ta hane, anunai ot a hane ning. A halin a barsan ning, ir harnanai pa ir longlongor suri. Ning ir longor a elngena barsan ning i taulai, ir gas kol. Onone anuka gasgas i arlar ana gasgas anuna halin a barsan ning i taulai, pa anuka gasgas i bot sot.

1 Jon 1:4

Pa mila tumus a ututnala ne, sur anundala gasgas ir itna ono.

Jon 13:3

E Iesu i tasmani mang e Tamana ka saran arop tar a ututnala rop nakuna, pa i tasmani mang i hanot ot tagun e God, pa ir ulak tetek e God.

2 Jon 1:12

A galis a utna ning ar tumusi tetek mulo, ika bel a mang sur ar tumtumus ana paka buk pa pen. Ika a nuki mang ar geren mulo, par awara mulo, sur a gasgas anundala ir itna kol.

A Pas ane Pol tetek a tarai Rom 14:17

Anasa a matanitu ane God bel tagun a hangan pa gang. A matanitu ane God tagun a tostos a toltol, a bal molmol pa gasgas ana Talngan Tabu.

Jon 16:33

“A atong a warwarala ne ta mulo sur mulor laun hok pa bal molmol ir kes o mulo. Te ana rakrakan hanua, mulor kilang a mamahat. Ika gong mulo matmataut, anasa ia ka tolsot pas a rakrakai ana rakrakan hanua.”

Aposel 13:52

Pa tarai a asasaer tumo e Antiok la bukus taum ana gasgas, pa Talngan Tabu.

Jon 7:33

Pa e Iesu i atai la mange, “Bel ar kes bongnan iau napirimulo, ar han ulak tetek esaning i sune iau ute.

Jon 17:11

Onone ar han tetek u, bel ma ar kes te na rakrakan hanua, ika la, kanet na rakrakan hanua. Tata u ka masik, ur tai alar la ana rakrakai a risam, a risam ning u sarani tak. Ur tai alar la sur lar takai ka, larning u pa iau, dau takai ka.