Jon 11:55 - Label

⁵⁵ Ning ka milau a lotu na Han Lakai anuna tarai Juda, a galis a tarai tagun a hanhanuala la nigo usaot e Jerusalem, sur lar atotoh nigon pas la namatana e God lanigo tana lotu, i arlar ana toltol ana nunla lotu.

Jon 11:55 Referans Kwoze

Jon 12:1

Diono na pukakiar kaning ot lanigo tana lotu na Han Lakai, e Iesu i hanot saot e Betani, a hanua ane Lasarus, a barsan ning e Iesu i alaun pasi kusun a minat.

Jon 6:4

A lotu na Han Lakai anuna tarai Juda ka milau.

Jon 2:13

Ning a lotu na Han Lakai anuna tarai Juda i milau, e Iesu i han usaot e Jerusalem.

Jems 4:8

Mulor han milau e God, pa e God ir han milau mulo. Mulo na tena tol a toltol laulau, mulor gos na kumulo, pa mulo ning naur nuknukimulo, mulor atotoh na balamulo.

1 Korin 11:28

I wakak ning tik ir oroi nigon tar anuna lalaun, pa lamur ir ien a bret pa ir gang ana kap.

Aposel 24:18

Lanigo ning belot a kas uting na rumai a artabar ia ka tol arop tar a warkuraila sur ar totoh namatana e God. Ning a kas sur ar tol a titol a artabar, bel la pastetek iau taum ana galis a tarai, pa bel al arsakai.

Jon 18:28

Ana kobot ning ot, di ben pas e Iesu kusun a rumai ane Kaiapas sur a tnan rumai ane Pailat, ning a ningnigo ana matanitu Rom. A Judala bel la mang sur lar kas ana nuna rumai, anasa la ka atohtoh pas la sur lar hangan ana utna na hangan na Han Lakai. Pa esining ir kas tetek tik, ning bel a te Juda, ir dur namatana e God.

Jon 13:1

Ning ka milau a lotu na Han Lakai, e Iesu ka tasmani mang ka milau sur ir han kusun a rakrakan hanua, pa ir han tetek e Tamana. I maris kol anuna taraila ning la kes te na rakrakan hanua, pa ine i asangan anuna tnan marmaris tetek la, a marmaris ning bel ta araropna.

Jon 5:1

Lamur, e Iesu i han usaot e Jerusalem sur a tnan lotu anuna tarai Juda.

Jon 2:6

Diono na tatatnan koto na hat la tur tingia sur na gosgos kundi, i arlar ot ana titol ana lotu anuna tarai Juda ning la sira toli sur lar toh ana matana e God. Taktakai a koto ne, di sira abukusi ana naur a bonot o natol a bonot a galan na malum.

A Wakak a Warwara o e Iesu Karisito i tumusi 14:1

Naura pukakiar lanigo ana lotu na Han Lakai, pa ana lotu na bret ning belal is ono, a leklek a tena artabarla tetek e God taum ana tena asaerla tagun a warkurai la nuknuk sur ta ngas sur lar tong kumnan pas e Iesu pa lar umkoli.

Matiu 26:1

Ning e Iesu ka atong arop tar a warwarala ne, i atai anuna kakak a asaerla mang,

Matiu 26:2

“Mulo ka tasmani ning naur a pukakiar ir rop, dir turpas a tnan pukakiar a lotu na Hanlakai, pa dir saran tar a Nat a Barsan sur dir sai ahati saot na rakai kutus.”

Luk 22:1

I ka milau a lotu na bret ning belal is ono, di atongi ana lotu na Han Lakai.

Aposel 21:24

Ur ben pas la, pa mulor atotoh pas mulo arlar ana warwara na warkurai, pa u, ur lou a ututnala na artabar ning lar artabar ono, sur dir bot kokor arop a hihinla. Ning ur toli larne, a taraila rop lar tasmani mang a warwarala ning la longori, bel i momol, pa u otleng u mur ot a warkurai.

Aposel 21:26

Ana pukakiar lamur, e Pol i ben pas diat a barsan ning, pa la taum la atotoh la. La kas uting na rumai a artabar, sur ir atong tar a pukakiar ning a titol na atotoh ir rop ono, pa dir tun otleng a artabar anun la taktakai.