Jon 10:3 - Label

³ A tena tai alar tagun a taman ir sapang pasi sur ir kas. A sipsipla la longor lalan a elngena. I kabah la ana risanla, pa i ben purum la.

Jon 10:3 Referans Kwoze

2 Timoti 2:19

Ika, e God ka suah tar a kama tortorot ning bel ir gulgule, pa di ka tumus tar a warwara onoi mange, “A Leklek i tasman la ning anunai.” Namba 16:5 Pa di ka tumus tari otleng mange, “Esining i atongi mang ai anuna Leklek ir gilam kusun a toltol laulau.”

Jon 10:4

Ning ka ben purum rop pas anuna sipsipla, i nigon la pa la muri, anasa la longor lalan a elngena.

Jon 10:16

Anuk dingla na sipsip otleng, bel la kes ting na woroh na sipsip ne. Ar ben pas la otleng, pa lar longor a elngek, sur la rop lar kes ka ana takai a woroh, pa takai sot ka ir tena tai alar anunla.

Jon 10:14

“Iau a wakak a tena tai alar anuna sipsipla. A tasman anuka sipsipla, pa anuka sipsipla otleng la tasman iau,

Tatatai 3:20

Oroi, a tur ting na taman pa a pinpidir. Ning tik ir longor a elngek pa ir sapang a taman, ar kas teteki, pa ar hangan taum onoi, pa i, ir hangan taum hok.

Tatatai 7:17

Anasa a Nat na sipsip ning i kes na arpotor a keskes a king, ir hanot anunla a tena tai alar. Ir nigon la sur na matmatana malum a lalaun. Pa e God ir sah sen na luru matanla rop.”

A Pas ane Pol tetek a tarai Rom 8:30

Pa la ning e God ka aslang pas la, i kabah pas la. Pa la ning ka kabah pas la i atong la mang la tostos namatana. Pa la ning ka atong la mang la tostos namatana, i amermer la ana nuna matatar.

Jon 6:45

A propetla la ka tumus tari mange, ‘E God ir asaer la rop.’ Ais 54:13 Pa la rop ning la longor e Tata pa la asaer tana, lar han tetek iau.

Jon 6:37

La rop ning e Tata i saran tar la tak, lar han tetek iau, pa esining ir han tetek iau, bel ar kepseni, belal.

Tatatai 20:15

Pa la ning bel di tumus akes na risanla ting na buk a lalaun, di minggen purum sen la uting na tnan tung a iah.

Kolosi 4:3

Mulor nunung otleng o mila, sur e God ir sapang a ngas sur milar apuasa a warwara o e Karisito, ning nating i mumun. Kane a kes na dodot, anasa a atatai onoi.

Pilipai 4:3

Pa u otleng ning a momol a tena titol taum hok, a nunung u sur ur nangan naur a hane ne, anasa dia titol rakrakai taum hok sur a Wakak a Warwara ir han sarara. Mila titol taum o e Kelemen, pa dingla na tarai otleng ning a risanla ka kes tar ana buk a lalaun.

1 Pita 1:12

E God i apuasai tetek a propetla mang a ututnala ne, bel ir hanot tetek la. La warwara ka ana ututnala ning e God ir toli tetek mulo. Pa onone, mulo ka longor tari kusun a tarai ning la warawai ana Wakak a Warwara tetek mulo ana rakrakai a Talngan Tabu esaning di sunei misaot na langit. Pa a ututnala ne, na angelo otleng la mang kol sur lar oroi i.

1 Korin 16:9

anasa a ngas ka sapang sur anuka titol ir gomo pa ir wai, pa galis a tarai otleng la mang sur lar sairasi.

Jon 10:9

Iau a taman. Esining ir han tetek iau pa ir kas te hok dir alauni. Ir kas, pa ir purum pa ir pastetek ana utna na hangan.

1 Jon 4:6

Dala tagun e God, pa esining i tasman e God i longor dala. Ika esining bel tagun e God bel i longor tan dala. Larning dala oroi lalan a Talngan Tabu ning i momol, pa a laulau a inguna ning a tena asasongo.

3 Jon 1:14

Ika a nuki mang ar pastek u par awara u.