Jems 5:13 - Label

¹³ Ning tik o mulo i kilang a mamahat, i wakak sur ir nunung. Ning tik i gasgas, i wakak sur ir saken a saksakla na aleklek e God.

Jems 5:13 Referans Kwoze

Epeses 5:19

Pa mulor awara artalai taum ana saksak miting na Saksakla ane Dewit, na saksak a lotu, pa saksakla ning a Talngan Tabu i tabar mulo onoi. Pa mulor saksak taum ana warwara leklek ting na balamulo tetek a Leklek.

Hibru 5:7

Ning e Iesu i laun te na rakrakan hanua, i kukuk ana nuna nunungla ana luru matana tetek e God, esaning i tolsot sur ir alaun pasi kusun a minat. Pa e God i longori, anasa i anatarna pasi nahaina.

Tatatai 14:3

La saken a tona saksak salanigo na keskes a king, pa diat a lalaun na akakes pa a ningnigola. Bel tik ir tolsot pas suir asaer ana saksak ne. 144 a rip ning di ka lou alangolango pas la mite na rakrakan hanua, la ka lar tolsot pasi.

Luk 22:44

I nunung rakrakai kol, anasa i kilang a rakrakai a bal maris kol, pa a maragusna i arlar ana tutu na suluk i punga purum ting lapiu.

Matiu 26:30

Ning la ka saken tar a saksak a lotu, la han usaot na Mangir Oliw.

Tatatai 7:10

La woiwoi ona tnan elngenla larne, “E God anundalai, esaning i kes ting na keskes a king pa Nat a Sipsip, dia alaun pas dala.”

1 Korin 14:26

Na tastasik, asa ar atongi? Ning mulo kes taum ana lotu, dingla na tarai lar saksak, dingla lar asaer a tarai, dingla lar warwara puasa on ta utna ning e God ka asangan tari tanla, dingla lar warwara ana urmatana ngas a warwara, pa dingla otleng lar pak a kamkamna. A ututnala rop ne dir toli sur ir arakrakai a tarai a lotu.

Luk 23:42

Lamur i atongi ta e Iesu, “Iesu, nuk pas iau, ning ur kas ana num a matanitu.”

1 Korin 14:15

Asa ar toli? Ar nunung ana inguk, par nunung otleng ana nuknukik. Ar saksak ana inguk, par saksak otleng ana nuknukik.

Jems 5:10

Na tastasik, mulor nuk pas a propetla tagun nating, ning la warwara ana risana Leklek. La pastetek a kankan, ika bel la ngoro, la tur rakrakai ana tortorot. Pa anunla a lalaun, a wakak a manar tetek mulo, sur mulor muri.